22 May 2007

KARO TULEN YOGYA NARI

Julianus P Limbeng

Hio, tersinget me nai maka, entah ise nai kalak Karo
Yogya ah man pecal, sebab enggo ndekah kel ia la man
pecal, teringet ia tupung Taneh Karo denga marenda
tading rusur man pecal ku Peceren. Reh nina perbinaga
pecal ndai, "Pecal e karo opo mas..?" "Karo Gugung..",
nina ka Kalak Karo ndai. "Karo tempe atau karo
tahu...?, nina ka perpecal ndai erkiteken la etehna
Karo gugung. "Saya Karo Gugung, Karo Tulen... nina ka
nambahisa janahna merawa atena. Erkiteken merawa
atena, sinikken tukan pecal ndai saja. Emaka sungkuna
ka mulihken: "Pedas opo ora..." nina ka perpecal-pecal
ndai. "Ya pedas-lah.." , nina kalak Karo ndai.
(Maksudna meter ban dung, sebab enggo ndul-ndul
merhatna man pecal ndai). Emaka mbue ban
perpecal-pecal ndai lacinana entahpe cinana. Bage
kenca berekenna man kalak Karo ndai, ipanna sitik
minter ia iutahkenna erkiteken la situhuna tahan ia
man simeser-meser. Merawa ka ia man perpecal ndai.
"Piye si iki, dibilang pedas.., iya bilang pedas...
Sinting...." . Emaka rempet ka meriah akap kalak Karo
ndai: "Iya betul saya Ginting..., Karo Tulen.... Koq
ibu tahu..." nina janahna senyum-senyum. "Edan... kali
ya...", nina ka perpecal ndai. "Ya ... ibu betul
sekali..., memang saya dari Medan.... Medan Tulen
bu..."

kARAWACI, 28 Maret 2007

No comments:

About Me

My photo
Bekasi, Jawa Barat, Indonesia
Etnomusikolog