PUSAT MUSIK DAN LITURGI GBKP
(Sebuah Pemikiran)
Pt. Julianus P Limbeng, SSn., M.Si.*)
1. Bena Kata
Rende eme sada bagin penting ibas liturgi-liturgi gereja. Adi si nehen kubas liturgi-liturgi si lit, maka rende merupaken sada bagin si seri pentingna ras poin-poin sideban ibas liturgy kebaktin secara utuh. Si siksiki ka pe terdauhen, maka kerina liturgy GBKP enda lit unsure rende, janah ibas kerina kegiaten-kegiaten gerejani tetap lit rende. Enda nuduhkenca maka rende enda penting ertina ibas ibadah gereja.
Adi sinehen ka pe kubas sejarah musik ibas gereja, mulai kin ibas jaman Junani Kuno ras Romawi Kuno, bagepe musik monofonik sacral alu ende-ende harmoni sederhana sini lit ibas gereja, eme kantilasi, Masmur Responsoria, Masmur Alleluia (Haleluya), Masmur Antiponal, Tractus, ras Jubilus ibas abad-abad awal Masehi seh ku abad XVI, ija musik ras ende-ende sini iaturken ibas Uskup Roma entahpe Paus. Emaka abad XVI nari ku datas kenca reformasi protestan sini ipelopori Martin Luther (1483 – 1546), she kubas jaman sigundari enda, peran musik ibas liturgy sangat penting. Baik ibas aliren-aliren si apai pe, Lutheran, Calvinis, Anglikan, Kharismatik ras sidebanna. Musik ibas gereja bagepe ende-ende terus berkembang, janah lit usaha-usaha untuk mengembangkenca sesuai ras pemahaman jamanna erpalasken pengangkan jaman e ka kubas pustaka sibadia.
Martin Luther sendiri sebagai tokoh reformasi gereja erbahan 95 dalil sini itempelkenna ibas gereja Wittenburg ibas tanggal 31 Oktober 1517, situhuna sekalak biarawan Katholik ibas ordo Augustinus si menyenangi musik. Luther ngatakenca maka musik emekap “sada pemere si mehuli kel ibas Dibata nari”. Tole pe ikatakenna nina : “Saya perlu menempatkan musik hanya dibawah teologi dan memberinya pujian yang sangat tinggi.” Luther ngidah maka musik mbelin kel fungsina ibas pendidiken, etika, bagepe moral. Emaka nina, maka kerina ngawan perpulungen arus terlibat langsung ibas musik ibadah (liturgy). Luther pe menghargai musik tradisi si ndekah (music ethnic) ras adi banci ipake ibas ibadah gereja.
Bagepe Jean Calvin (1509-1564), sekalak Reformis Prancis nari, eme ibas risalahna siberjudul Christianae Religionis Institutio (ianggap sebagai dasar teologi reformasi) akhir tahun 1534, mbelin ka nge pengertinna kerna musik ndai. Aminna gia ia labo sekalak pemusik (-- adi Luther pemusik--) tapi ia pe ngidah maka musik sangat penting kel ibas ibadah. Emaka antara tahun 1538-1541 ibadah Protestan mulai me ikembangken Martin Bucer alu ende-ende monofonik (sada sora, bagi kita biasana rende GBKP enda, tapi la er-organ). Tahun 1541, Calvin berusaha ngelitken tata ibadah termasuk pe musikna si sederhana, bagepe tahun 1542 terbitkenna ka sada buku ende-ende kumpulen kitab Masmur si merupaken dasar musik gereja-gereja Calvinis. Calvin tek, maka musik lit gegehna mpengaruhi perilaku manusia. Musik sumberna ibas Dibata nari, emaka perlu ipakai guna muji Dibata. Tapi sini tekanken Calvin eme teks nyanyian asa bancina bersumber ibas pustaka sibadia nari.
2. Liturgi GBKP
Adi sinehen ka mulihi kubas Buku Liturgi GBKP si mbaru, eme ulih Konven GBKP janah enggo ipelikasi mulihi ibas Sidang BPL Sinode tahun 1999 si enggo isahken pemakenna ibelang-belang GBKP enda, maka 19 macam liturgy sini lit ije kerinana melibatken unsur rende (musik dalam arti luas). Bagepe ka pe tentuna adi sinehen ka kubas liturgy si ndekah, eme buku si galang (mbiring), kerina liturgy pe berkaiten ras musik. Adi siidah liturgy si mbaru enda, situhuna enggo me mehuli baik ibas variasi tata ibadah, respon antara jemaat ras perliturgi, bagepe kemungkinen-kemungkinen erbahanca kebaktian menjadi lebih ‘hidup’. Tapi implementasina ibas lapangen perlu denga kel isosialisasiken gelah lit min pemahamen si memadai ibas si berperan ibas liturgy.
Adi sinehen ibas pedoman pelaksanaan liturgy GBKP, maka ije pe enggo isinggung masalah song leader (simabai rende). Ijepe sitik tertulis tugas simabai rende, bagepe lit ka isinggung rende sora sada, dua, telu ras empat (backing vocal), janah ija ingan song leader ndai pe itentuken. Langa denga ka kaitenna ras pemusik (instrumental) ras sidebanna. Enda kerina tertuang kubas sada tata ibadah si utuh. Ngidah bage maka liturginta si mbaru enda pe nuduhkenca, maka musik (rende) la telepasken ibas kerina ibadah gereja. Enggo me lit perhatinta kubas musik ndai, tapi setengah-setengah denga. Alu bage dage, ise singukuri enda kerina ? Tentuna kita ka nge. Ngukuri sada enda labo tentu gampang, sebab lit keterkaitenna kubas interdisiplioner, mungkin saja pe multidisiplioner. Arus je lit unsur teolog, etnomusikolog, ahli harmoni, ahli bahasa, ras sidebanna.
3. Pusat Musik dan Liturgi
Adi sinehen ku gereja-gereja si deban pe, si nangani musik ras liturgy enda enggo me ndekah lit. sada contoh mungkin Pusat Musik dan Liturgi (PML) Yogyakarta sini ilitken gereja Katholik. Pusat Musik dan Liturgi ngelitken buku-buku kerna panduan paduan suara, harmoni, nyanyian, pelatihen ras sidebanna. Bagepe adi Jakarta lit ka siidah Yamuger (Yayasan Musik Gereja) ibas skala luas. Fungsina kerina berkaiten ras musik, eme ende-enden. Yamuger enda ka nge sierbahan Kidung Jemaat, Nyanyian Ceria ras sidebanna. Ibas GBKP enda pe selama enda lit nge siidah Badan Pengembangan Ibadah/Musik Gereja. Tapi she ija Badan enda berperan ibas gelarna e.
GBKP pe sebagai sada gereja si enggo cukup mbelin, enggo perlu kel memikirken hal sibagenda rupana, ngidah uga belinna peran musik ibas kerina ibadah gereja. Mungkin saja peran rende enda ndai seri ras khotbah. Sebab adi sinehen ibas liturginta masing-masing poin tersendiri ia. Rende labo bagian khotbah, janah khotbah pe labo bagian rende. Tapi saling melengkapi janah lit peranna masing-masing uga mabai perpulungen ku Dibata.
Pusat Musik Liturgi GBKP, eme singukuri kerina siberkaiten ibas musik ras liturgy ras kerina hal si lit kaitenna ras ia. Pengangkanta kerna musik tradisional Karo, pengadaptasian entahpe penciptaan nyanyian-nyanyian si mbaru, pedoman, contoh-contoh, pelatihan-pelatihan, penyebar luasan informasi, pembuatan harmonisasi termasuk pe ije musik pengiring, pembuatan produk (buku-buku, liturgy, cd, cassette, vcd, dvd, rsd), pelikasi kitab ende-enden, ketertiban hak cipta, perijinan penggunaan ende-ende GBKP, ras sidebanna si tentuna melala sini banci iukurken guna kiniulin. Ise sierbahanca harmonisasi suara sada, dua, telu, ras empat ende-endenta enda bagi sitersurat ibas pedoman liturginta si mbaru ?
Bagepe gereja kota ras gereja kota tentuna memiliki kebutuhan dan problematika tersendiri. Enda pe perlu kel sifasilitasi. Sebagai contoh kebaktian Permata kota lit kecenderungen pemakaian alat-alat musik Barat alu rhythm accompaniment bagi sini lakoken gereja-gereja Kharismatik, mungkin saja pe live band la hanya keyboard solo entah pe organ tunggal. Kita harus sadar makana modernisasi enda menciptaken ‘masyarakat berpengetahuan’. Artina pemimpin gereja lanai memonopoli pemeteh. Emaka melala ka nge kalak si jajan rohani erkiteken musikna lebih hidup gereja kalak ah, nina. Hal sibagenda pe perlu nge si ukurken gelah jemaatta pe la kiam ibas rarasenna nari. Tapi tentuna memang perlu lebih hati-hati ras siukurken mbage-mbages uga kin pemahamenta kerna musik enda ndai. Tentuna kerna si enda enggo harus lit singukurkenca. Singukurkenca tentuna la cukup piga-piga jelma saja, tapi pe minimal lit singukurisa ibas piga-piga bidang nari.
Hal sideban pe si la kalah pentingna eme kerna perkembangan teknologi, informasi ras media, simemungkinkan sada karya ras nilai komersil. Melala lembaga-lembaga sideban si merekam lagu-lagu GBKP tanpa memberikan royalty man GBKP sendiri, enda pe enggo perlu si perjelas, bagepe kerna tata aturenna. Apai ka adi ende-ende enda pe enggo iarransemen si ndauh kel berubah ibas bentuk aslina, tentuna banci mbabai kebingungen man anggota jemaat ibas ngendekenca. Sebab sisadari pemahamenta kerna not pe labo seri kel kerina. Melala denga anggota jematta ngendeken ende-ende e alu hafalen saja nge (oral). Masalah-masalah perijinen ras karya cipta ndai pe perlu menjadi pemikiren ras iperdateken. Alkitab saja pe labo sembarangen ngutipsa, arus nge lit ijin ibas Lembaga Alkitab Indonesia nari. Sebab Hak Cipta (copy rights) enda ilindungi undang-undang. Ende-enden GBKP bagepe ende-enden penambahen merupaken sada asset GBKP si tentuna meherga kel. E perlu ijaga. Ise njagasa ?
4. Pendungi Kata
Melala memang hal si banci siadopsi ibas kesenianta nari, tapi pe ula ka kita gampang-gampang saja memasukenca kubas gerejanta. Enda tentuna kita arus tetap erlajar gelah banci si minimal kesalahen, sebab kai sibahan gundari enda, e ka nge pagi siwarisken man generasi berikutna. Emaka kerna si e, khususna kerna Musik ras Liturgi ndai menurut pengakap kami, maka perlu kel ilitken Pusat Musik ras Liturgi GBKP sebagai ingan pendidiken ras pelatihen si mejile, janah singukurken kerina kerna Musik ras Liturgi enda secara luas.
Adi selama enda kita enggo melala ertambar ku Penang, engkai maka la sipotensiken ngawan perpulungenta ? Adi selama enda kita ndarami pemeteh masing-masing ibas lembaga-lembaga sideban kerna musik enda, engkai maka la sibahan jangta, gelah kalak pe banci erlajar ku kita ? Enda tentuna jangka panjangna, tapi sipenting, ibas kita lebe minimal enggo banci si pekena. Kerna uga bentukna enda banci iukurken terdauhen, apakah merupakan sada lembaga tersendiri, ija inganna si payo, dana, sumber daya manusia, ras sidebanna.
Bekasi, 24 Mei 2005.
*) Koordinator Seni dan Budaya GBKP Bekasi, Dosen Musik dan Seniman.
(Sebuah Pemikiran)
Pt. Julianus P Limbeng, SSn., M.Si.*)
1. Bena Kata
Rende eme sada bagin penting ibas liturgi-liturgi gereja. Adi si nehen kubas liturgi-liturgi si lit, maka rende merupaken sada bagin si seri pentingna ras poin-poin sideban ibas liturgy kebaktin secara utuh. Si siksiki ka pe terdauhen, maka kerina liturgy GBKP enda lit unsure rende, janah ibas kerina kegiaten-kegiaten gerejani tetap lit rende. Enda nuduhkenca maka rende enda penting ertina ibas ibadah gereja.
Adi sinehen ka pe kubas sejarah musik ibas gereja, mulai kin ibas jaman Junani Kuno ras Romawi Kuno, bagepe musik monofonik sacral alu ende-ende harmoni sederhana sini lit ibas gereja, eme kantilasi, Masmur Responsoria, Masmur Alleluia (Haleluya), Masmur Antiponal, Tractus, ras Jubilus ibas abad-abad awal Masehi seh ku abad XVI, ija musik ras ende-ende sini iaturken ibas Uskup Roma entahpe Paus. Emaka abad XVI nari ku datas kenca reformasi protestan sini ipelopori Martin Luther (1483 – 1546), she kubas jaman sigundari enda, peran musik ibas liturgy sangat penting. Baik ibas aliren-aliren si apai pe, Lutheran, Calvinis, Anglikan, Kharismatik ras sidebanna. Musik ibas gereja bagepe ende-ende terus berkembang, janah lit usaha-usaha untuk mengembangkenca sesuai ras pemahaman jamanna erpalasken pengangkan jaman e ka kubas pustaka sibadia.
Martin Luther sendiri sebagai tokoh reformasi gereja erbahan 95 dalil sini itempelkenna ibas gereja Wittenburg ibas tanggal 31 Oktober 1517, situhuna sekalak biarawan Katholik ibas ordo Augustinus si menyenangi musik. Luther ngatakenca maka musik emekap “sada pemere si mehuli kel ibas Dibata nari”. Tole pe ikatakenna nina : “Saya perlu menempatkan musik hanya dibawah teologi dan memberinya pujian yang sangat tinggi.” Luther ngidah maka musik mbelin kel fungsina ibas pendidiken, etika, bagepe moral. Emaka nina, maka kerina ngawan perpulungen arus terlibat langsung ibas musik ibadah (liturgy). Luther pe menghargai musik tradisi si ndekah (music ethnic) ras adi banci ipake ibas ibadah gereja.
Bagepe Jean Calvin (1509-1564), sekalak Reformis Prancis nari, eme ibas risalahna siberjudul Christianae Religionis Institutio (ianggap sebagai dasar teologi reformasi) akhir tahun 1534, mbelin ka nge pengertinna kerna musik ndai. Aminna gia ia labo sekalak pemusik (-- adi Luther pemusik--) tapi ia pe ngidah maka musik sangat penting kel ibas ibadah. Emaka antara tahun 1538-1541 ibadah Protestan mulai me ikembangken Martin Bucer alu ende-ende monofonik (sada sora, bagi kita biasana rende GBKP enda, tapi la er-organ). Tahun 1541, Calvin berusaha ngelitken tata ibadah termasuk pe musikna si sederhana, bagepe tahun 1542 terbitkenna ka sada buku ende-ende kumpulen kitab Masmur si merupaken dasar musik gereja-gereja Calvinis. Calvin tek, maka musik lit gegehna mpengaruhi perilaku manusia. Musik sumberna ibas Dibata nari, emaka perlu ipakai guna muji Dibata. Tapi sini tekanken Calvin eme teks nyanyian asa bancina bersumber ibas pustaka sibadia nari.
2. Liturgi GBKP
Adi sinehen ka mulihi kubas Buku Liturgi GBKP si mbaru, eme ulih Konven GBKP janah enggo ipelikasi mulihi ibas Sidang BPL Sinode tahun 1999 si enggo isahken pemakenna ibelang-belang GBKP enda, maka 19 macam liturgy sini lit ije kerinana melibatken unsur rende (musik dalam arti luas). Bagepe ka pe tentuna adi sinehen ka kubas liturgy si ndekah, eme buku si galang (mbiring), kerina liturgy pe berkaiten ras musik. Adi siidah liturgy si mbaru enda, situhuna enggo me mehuli baik ibas variasi tata ibadah, respon antara jemaat ras perliturgi, bagepe kemungkinen-kemungkinen erbahanca kebaktian menjadi lebih ‘hidup’. Tapi implementasina ibas lapangen perlu denga kel isosialisasiken gelah lit min pemahamen si memadai ibas si berperan ibas liturgy.
Adi sinehen ibas pedoman pelaksanaan liturgy GBKP, maka ije pe enggo isinggung masalah song leader (simabai rende). Ijepe sitik tertulis tugas simabai rende, bagepe lit ka isinggung rende sora sada, dua, telu ras empat (backing vocal), janah ija ingan song leader ndai pe itentuken. Langa denga ka kaitenna ras pemusik (instrumental) ras sidebanna. Enda kerina tertuang kubas sada tata ibadah si utuh. Ngidah bage maka liturginta si mbaru enda pe nuduhkenca, maka musik (rende) la telepasken ibas kerina ibadah gereja. Enggo me lit perhatinta kubas musik ndai, tapi setengah-setengah denga. Alu bage dage, ise singukuri enda kerina ? Tentuna kita ka nge. Ngukuri sada enda labo tentu gampang, sebab lit keterkaitenna kubas interdisiplioner, mungkin saja pe multidisiplioner. Arus je lit unsur teolog, etnomusikolog, ahli harmoni, ahli bahasa, ras sidebanna.
3. Pusat Musik dan Liturgi
Adi sinehen ku gereja-gereja si deban pe, si nangani musik ras liturgy enda enggo me ndekah lit. sada contoh mungkin Pusat Musik dan Liturgi (PML) Yogyakarta sini ilitken gereja Katholik. Pusat Musik dan Liturgi ngelitken buku-buku kerna panduan paduan suara, harmoni, nyanyian, pelatihen ras sidebanna. Bagepe adi Jakarta lit ka siidah Yamuger (Yayasan Musik Gereja) ibas skala luas. Fungsina kerina berkaiten ras musik, eme ende-enden. Yamuger enda ka nge sierbahan Kidung Jemaat, Nyanyian Ceria ras sidebanna. Ibas GBKP enda pe selama enda lit nge siidah Badan Pengembangan Ibadah/Musik Gereja. Tapi she ija Badan enda berperan ibas gelarna e.
GBKP pe sebagai sada gereja si enggo cukup mbelin, enggo perlu kel memikirken hal sibagenda rupana, ngidah uga belinna peran musik ibas kerina ibadah gereja. Mungkin saja peran rende enda ndai seri ras khotbah. Sebab adi sinehen ibas liturginta masing-masing poin tersendiri ia. Rende labo bagian khotbah, janah khotbah pe labo bagian rende. Tapi saling melengkapi janah lit peranna masing-masing uga mabai perpulungen ku Dibata.
Pusat Musik Liturgi GBKP, eme singukuri kerina siberkaiten ibas musik ras liturgy ras kerina hal si lit kaitenna ras ia. Pengangkanta kerna musik tradisional Karo, pengadaptasian entahpe penciptaan nyanyian-nyanyian si mbaru, pedoman, contoh-contoh, pelatihan-pelatihan, penyebar luasan informasi, pembuatan harmonisasi termasuk pe ije musik pengiring, pembuatan produk (buku-buku, liturgy, cd, cassette, vcd, dvd, rsd), pelikasi kitab ende-enden, ketertiban hak cipta, perijinan penggunaan ende-ende GBKP, ras sidebanna si tentuna melala sini banci iukurken guna kiniulin. Ise sierbahanca harmonisasi suara sada, dua, telu, ras empat ende-endenta enda bagi sitersurat ibas pedoman liturginta si mbaru ?
Bagepe gereja kota ras gereja kota tentuna memiliki kebutuhan dan problematika tersendiri. Enda pe perlu kel sifasilitasi. Sebagai contoh kebaktian Permata kota lit kecenderungen pemakaian alat-alat musik Barat alu rhythm accompaniment bagi sini lakoken gereja-gereja Kharismatik, mungkin saja pe live band la hanya keyboard solo entah pe organ tunggal. Kita harus sadar makana modernisasi enda menciptaken ‘masyarakat berpengetahuan’. Artina pemimpin gereja lanai memonopoli pemeteh. Emaka melala ka nge kalak si jajan rohani erkiteken musikna lebih hidup gereja kalak ah, nina. Hal sibagenda pe perlu nge si ukurken gelah jemaatta pe la kiam ibas rarasenna nari. Tapi tentuna memang perlu lebih hati-hati ras siukurken mbage-mbages uga kin pemahamenta kerna musik enda ndai. Tentuna kerna si enda enggo harus lit singukurkenca. Singukurkenca tentuna la cukup piga-piga jelma saja, tapi pe minimal lit singukurisa ibas piga-piga bidang nari.
Hal sideban pe si la kalah pentingna eme kerna perkembangan teknologi, informasi ras media, simemungkinkan sada karya ras nilai komersil. Melala lembaga-lembaga sideban si merekam lagu-lagu GBKP tanpa memberikan royalty man GBKP sendiri, enda pe enggo perlu si perjelas, bagepe kerna tata aturenna. Apai ka adi ende-ende enda pe enggo iarransemen si ndauh kel berubah ibas bentuk aslina, tentuna banci mbabai kebingungen man anggota jemaat ibas ngendekenca. Sebab sisadari pemahamenta kerna not pe labo seri kel kerina. Melala denga anggota jematta ngendeken ende-ende e alu hafalen saja nge (oral). Masalah-masalah perijinen ras karya cipta ndai pe perlu menjadi pemikiren ras iperdateken. Alkitab saja pe labo sembarangen ngutipsa, arus nge lit ijin ibas Lembaga Alkitab Indonesia nari. Sebab Hak Cipta (copy rights) enda ilindungi undang-undang. Ende-enden GBKP bagepe ende-enden penambahen merupaken sada asset GBKP si tentuna meherga kel. E perlu ijaga. Ise njagasa ?
4. Pendungi Kata
Melala memang hal si banci siadopsi ibas kesenianta nari, tapi pe ula ka kita gampang-gampang saja memasukenca kubas gerejanta. Enda tentuna kita arus tetap erlajar gelah banci si minimal kesalahen, sebab kai sibahan gundari enda, e ka nge pagi siwarisken man generasi berikutna. Emaka kerna si e, khususna kerna Musik ras Liturgi ndai menurut pengakap kami, maka perlu kel ilitken Pusat Musik ras Liturgi GBKP sebagai ingan pendidiken ras pelatihen si mejile, janah singukurken kerina kerna Musik ras Liturgi enda secara luas.
Adi selama enda kita enggo melala ertambar ku Penang, engkai maka la sipotensiken ngawan perpulungenta ? Adi selama enda kita ndarami pemeteh masing-masing ibas lembaga-lembaga sideban kerna musik enda, engkai maka la sibahan jangta, gelah kalak pe banci erlajar ku kita ? Enda tentuna jangka panjangna, tapi sipenting, ibas kita lebe minimal enggo banci si pekena. Kerna uga bentukna enda banci iukurken terdauhen, apakah merupakan sada lembaga tersendiri, ija inganna si payo, dana, sumber daya manusia, ras sidebanna.
Bekasi, 24 Mei 2005.
*) Koordinator Seni dan Budaya GBKP Bekasi, Dosen Musik dan Seniman.
Comments