Opera Pawang Ternalem
OPERA KARO
KEDAI PENGGUAL
Episode :
PAWANG TERNALEM
Yulianus Liem Beng, Penulis Naskah
Para Pelaku :
Ramli Barus, Pawang Ternalem
Tio Fanta br Pinem, Beru Patimar
Untung Purba, Datuk Rubia Gande
Ronald Bangun, Perlanja Sira 1
Kornelius Meliala, Perlanja Sira 2
Seroja Tarigan, Bapa Beru Patimar
Anita br Pinem, Nande Beru Patimar
Rita br Tarigan, Teman beru Patimar
Ginting Kelana, Juak-juak Bp. Beru Patimar
Pemain Musik :
Ramona Purba, Balobat, Surdam, Flute
Jafar K Surbakty, Kibot Karo
Junianto S Meliala, Gendang Indung
Yulianus Liem Beng, Gdg Anak, Piano Electric
Adil Tarigan, Gitar
Ramona Lingga,Kulcapi
Minson Ginting, Gung dan Penganak
Penata Lagu dan Musik :
Yulianus Liem Beng
Sutradara :
J. Terkelin Tarigan
Yulianus Liem Beng
Dimainkan oleh :
Sanggar Kesenian Karo PARTITUR
Scene 1
Backdrop : Hutan dan Rumah Adat Karo
Opening :
Lagu : Kuperlajangen
Cipt. : F. La Mindo S
Vocal : Tio Fanta Pinem
Teridah ibas panggung Pawang Ternalem sangana latih ukurna ibas kerangen si Limbur Raya. Babana sada punjut-punjuten tare kampuh. Kenca dung lagu ‘Kuperlajangen’ emaka minter Pawang Ternalem kundul ibas sada batang kayu si enggo mbulak, janah ngerana ia sisada.
Pawang Ternalem :
Mejuah-juah, nande bapa turang senina karina, kupetandaken man banta kerina, aku me Pawang Ternalem, pawang si termur-mur. Enda me turi-turin kerna geluhku. Ula kam mapas, amin gia gendek bagenda, tapi aku : PAWANG. Em ia. Pawang !!
Oh, enda maka. Geluh pe la bagi pergeluh kalak, anak sisada, parang sembiring mergana lampas melumang, sada wari ngenca ernande, dua wari ngenca erbapa. Kade-kade pe la kerina erpemuang man bangku, uga denga nge pergeluhku e nande, uga denga nge kecibalku e oh bapa si la ndube kutandai. Enggo menda papak sembiring mergana I tengah kerangen si limbur raya enda. Kuja denga kin kujingkangken nahengku nande, kuja denga kujingkangken nahengku o Bapa si la kutandai ndube. Arimo pe la nggit manken aku…..
Pemusik :
E .. pan arimo, tuhu kin gelah e, nggit kam pan arimo senina ?
Pawang Ternalem :
Adi situhu lang senina, keleng denga nge ateku anak taah..,
Enta kuterusken ya…
Pemusik :
Terusken Senina, sikap ban.
Pawang Ternalem :
Oh…, arimo kin pe labo nggit man ken aku. Muas…, Melihe…,
Bulung-bulung enda me dage kupan ..
Bulung-bulung enda me kupan, mbera-mbera ula mesui beltekku.
(Ipanna me bulung-bulung si lit kerangen e)
Pemusik :
Ula pan ena Pal. Bulung lateng Pal, ula kari meseng bitukandu….
Pawang Ternalem :
Labo dalih pal.., Enggo terpan aku Pal…
O nini beru kertah ernala…. Enggo terpan aku bulung lateng ndai nini, ula kel aku si magin-magin banndu nini. Eh, deh ko labo kaden pe…..
Scene 2
(Bengket 2 kalak perlanja sira ku panggung, idah Pawang Ternalem reh jelma tapi kem saja ia mperdiateken kalak e alu cebuni, sebab lenga ietehna ise jelma e)
Perlanja Sira 1 :
Ngadi kita lebe Tabar, lanai tertahan deh, enggo ngasak anak….
Perlanja Sira 2 :
Eah dage, ula ndekahsa ula kari kita benen, ambur dage yah…
Perlanja Sira 1 :
(Buang air besar bas sada batang kayu)
Perlanja Sira 2 :
Ula jena anak, ula kari kita bahaya, batang kayuna ena mejangin kuakap e..
Perlanja Sira 1 :
Sentabi kel aku nini, erkiteken lanai ngenda tertahan aku, ula me ukurndu kitik, ula kam merawa o nini si lit ikerangen enda, ku ambur menda inganndu.
Perlanja Sira 2 :
Enda perapusndu Tala…
Perlanja Sira 1 :
Ih, aku dehko Tabar, keleng kel atem ngenehen aku anak, perapusku pe buatmu.
Perlanja Sira 2 :
Iah min, pedasi ula kari kita gelapen tengah kerangen enda, ndauh denga perdalanenta.
Perlanja Sira 1 :
(Bersih-bersih alu perapus ndai, rempet ia lompat)
Nande…., nande…., nande…, melaasss…, melaassss…..
Perlanja Sira 2 :
Iiiii…, uga e Tala…, kena kai e…..,
Perlanja Sira 1 :
Melas Tabar…, melas nak…, melas Tabar…
Perlanja Sira 2 :
Melas…? E enggo bahaya, tenang ko nak, Ula ko lebe mate nak…
Perlanja Sira 1 :
Nande… melas Tabar…, melas anak..
Perlanja Sira 2 :
E enggo me ko siap sekalenda e…, adi banci ula ko min lebe mate nak.
Ula ko mate nak, labo ko kari terbaba aku mulih.
Nguda denga ka kel impal tah, ula ka kari mbalu…
Perlanja Sira 1 :
Kai kin nim lalap e..? Melas nin kalak.., tambari anak… kena kai dehko e ?
Perlanja Sira 2 :
Ningku gia ndai, ma enggo merawa nina ndai dah…
Emaka ula asal ambur ningen, enda ambur ko saja.
Perlanja Sira 1 :
Nini.. nini… nim, bulung kai kin ndai sibereken ko ndai anak…
Melas… Tabar…, melas anak….
Perlanja Sira 2 :
Labo… bulung kai pe Tala, kurang ersentabi nge engko ndai e.
Perlanja sira 1 :
Nen min Tabar…, bulung kai kin e …
Perlanja Sira 2 :
Iokh Ohh…, bulung lateng kepe ken anak Ha…haa….
Perlanja Sira 1 :
Ula ko tawa, kita melas siakap. Akap ndai ben kelengmu, berekenko ka perapusta.
Perlanja Sira 2 :
Haa…haa., sori anak… sori…, gampang nge ena. Ariko ku jenda.
(Ibuatna me bulung-bulung, janah ibacakenna me tabas-tabasna)
Hung…, sikuru-kuru, sikuri-kuri,
Anak manuk paguti menci.
Adi tuhu kin akapndu mesui.
Ula nai inget minter nge ngadii. Puhh….
Sapuken Tala…, sapuken… minter nge kari ngadi.
Perlanja Sira 1 :
Eee. Enggo reh bergehna, eee… reh bergehna nak…
Enggo ka ndai aku mbiar. Uga pe bene nge sekalenda ateku
------------- Commercial Break.
Scene 3.
Lagu :
Vokal : Ramona Purba
Perlanja Sira 1 :
Eta dage yah..
Pawang Ternalem :
(Ndarat ibas inganna cebuni nari)
Sentabi Pa….
Perlanja Sira 1 ras 2 :
(Lompat janah erndikkar erkiteken sengget janahna ndek-dek rawitna)
Hait…, hait…, hait.. Ise ko, minter ko kari retap !!
Pawang Ternalem :
Eee…, laboo.., labo.., aku nge…enggo… enggoo…
Aku Ternalem, enggo lalar aku tengah kerangen enda. Adi banci ikut ateku sada ras kam.
Perlanja Sira 1 :
Ha…., ikut ? Jelma kin gelah e Tabar ?
Perlanja Sira 2 :
Nen min nahena, adi ndedeh taneh e jelma, adi lang e anak ndai….
Pawang Ternalem :
Aku nge Pa, gelarku Ternalem, Sembiring mergangku, bere Ginting, anak Urung Galuh Simale arah kepultaken nari.
Perlanja Sira 1 :
O…, kuakap ka ndai begu. Eakh.
Egia kuja kin atemu e nak, maka enggo ka ko she tengah kerangen enda.
Pawang Ternalem :
Labo lit kel tujunku, emaka kuja kam ku je aku ikut.
Perlanja Sira 2 :
Iakh, kami enda ngelegi sira ngenda ku Binje. Labo ko kari ngasup ngikut-ngikut kami. Egia adi ikut kin nim bancing ko ikut. Ija ko kari la ngasup iak… bagem.
(Berkat me kalak enda).
Pawang Ternalem :
Ngadi kita lebe Pa, enggo latih kel kuakap.
Perlanja sira 1 :
Ii.., enggo ben atena wari e anak, pala-palai min, gelapen kita kari.
Perlanja Sira 2 :
Uga kin bage anak, langa 2 meter pe erdalan ndai enggo latih.
Kurang tawar ko e anak.
Pawang Ternelem :
Tuhu Pa, latih kel kuakap.
Perlanja Sira 1 :
Lo bage yah. Pudin ko, ija kari serpang ban kami tandana, maka ula ko lalar.
Ma bage dage.
Pawang Ternalem :
Adi bage kin akapndu bage pe labo dalih pa. Pudin aku yah….
(Perlanja sira 1 ras 2 ndarat panggung nari, emaka ipala-palai Pawang Ternalem ka me mulihken erdalan ngikuti dalan)
Eh, enda serpang kap e… Ku ja ngenda aku lawes, tandana pe labo kuidah lit.
Oh.. labo bage yah, ku kawes saja aku lawes.
Commercial Break.
Scene 4
Lagu :
Vokal :
Pawang Ternalem :
(Teridah tunduh ibas sada batang kayu, emaka reh me sekalak tua-tua ndeheri ia)
Datuk Rubia Gande :
(Tawa-tawa Ngekelilingi Pawang Ternalem, emaka medakina)
Ha… haa…., erkai ko maka medem ingan ku enda.
Ha… haa… medak ko… ha… haa… medak ko….
Pawang Ternalem :
(Sengget ngidah sekalak tua-tua ilebena, jaggutna mbentar ras nggedang)
Aa… aa…., aku nge nini. Ternalem parang Sembiring mergana bebere Ginting, Urung Galuh Simale kepultaken nari, Anak si sada si lampas kin ndube melumang, dua wari ngenca ernande, empat wari ngenca erbapa.
Kernepkendu sajalah aku nini, enggo me mesui ateku nggeluh. Sima-simaku pe labo merhat ras aku, enggo seminggu aku tengah kerangen enda, lanai bo aku ngasup erdalan erkiteken enggo melihe kel beltekku. Arimo pe labo nggit man aku, nipe galang pe labo nggit mbendut aku. Emaka enggo menda mesui ateku nggeluh ndai. Emaka mekuah min atendu nini gelah kernepkenndu min aku.
Datuk Rubia Gande :
Oh… anakku si kukelengi.
Mekuah dingen megogo pe ateku ngidah geluhndu.
Aku Datuk Rubia Gande, Datuk si Mbisa, Datuk Si erpemeteh dingen mehantu, janah aku kap nini Kerangen Si Limbur Raya enda.
Pawang Ternalem :
O..h, emaka enggo teng-teng kel nini. Emaka bunuhndu saja min aku gelah ula nai ku nanami nggeluh rate mesui ipertibi enda.
Datuk Rubia Gande :
Cinderkenlah ! Mari lah ikut ras aku gelah kubereken man bandu pemeteh.
Mari dage, cinderken anakku … (Iteguna Pawang Ternalem).
(emaka selanjutna I panggung teridah Datuk Rubia Gande)
Datuk Rubia Gande :
E… kenca enggo keri pemeteh si lit bas aku kubereken, emaka sendah engko arus iuji. Emekap lompat ibas batang tualang Si Mande Angin nari, janah kubereken sada pemeteh eme Angin Si Kaba-Kaba sierbahan menahang kulam. Pesikap dage pating ndai kerina gelah sicubaken.
Pawang Ternalem :
Kerina enggo sikap nini.
Datuk Rubia Gande :
Adi bage, pating dage batang tualang Si Mande Angin enda sada-sadai, janah nangkih ku datas.
Pawang Ternalem :
(Nangkihna me kursi entah meja).
Enggo she aku datas nini …..
Datuk Rubia Gande :
Adi bage, tenang ko kentisik, gelah kulebuh lebe angin si kaba-kaba, kenca enggo meter kari angin e, minter saja lompatken ku teruh.
(Mbacaken tabas-tabas, janah ndilo angin)
Iah… anagin….iah angin…., iah angin… iah angin… (iendekenna).
(Angin reh meter) Lompatken dage Ternelem… Lompatken….
Pawang Ternalem :
Mbiar aku nini… meder kel angina….
Datuk Rubia Gande :
Lompatken saja… iah…. Lompat…..
Pawang Ternalem :
Mbiar aku nini… meder kel angina…
Datuk Rubia Gande :
Lompatken saja…, labo kap meganjang, meja kel ngenca ena.. iah min.
Pawang Ternalem :
Ohh.. ue ari, meja kepe ngenca, kuakap ndai tualang si mande angin.
Datuk Rubia Gande :
Payo, adi ceritana bage, iah min lompatken.
(Emaka lompat me ku teruh Pawang Ternalem)
Pawang Ternalem :
Bagi bulung-bulung e saja perndabuhku. Mbiar kel ndai aku.
Datuk Rubia Gande :
Jadi kerina pemetehku enggo kubereken man bam. Enda me pemeteh si terakhir. Emaka gundari enggo banci ko berkat kerangen enda nari. Pakekenlah pemeteh enda guna kiniulin janah ula kel pake guna erbahan rate mesui.
Pawang Ternalem :
Adi bage berkat dagi aku nini.
Commercial Break
Scene 5
Lagu :
Vokal :
Bapa Beru Patimar :
Aku Bapa Beru Patimar, pengulu Urung Jenggi Kumawar, si erdolat.
Oh, bagenda ngenca nanamna nggeluh enda nake, ndehara mehuli, buaten lit melala, juak-juak enterem, Anak mejile ras sehat-sehat kerina.
Nande Beru Patimar :
Bage gia bapa, lit denga nge kuakap sikurangta. Anakta dilaki lalit, janah Beru Patimar pe enggo me pangke, janah lenga bo jumpa atena ngena.
Bp. Beru Patimar :
Bage tuhu ari. Adi bage sibahan dage momo, makana ise saja pe pagi si ngasup nangkih batang Tualang Si mande Angin, maka ia me pagi jadi kelata, jadi perbulangen Anakta Si Beru Patimar.
Juak-juakku !!
Juak-Juak :
Dolat Pengulu !!
Momoken juak-juakku. Momoken !!
Juak-Juak :
Dolat Pengulu !!
Beru Patimar :
Adi bage, kami ridi lebe ku Tapin Lau Buah nande.
Nande Beru Patimar :
Oe anakku, ula kam ndekahsa, enggo ben wari e, to dage anakku.
(Itapin/belakang panggung kepeken enggo ridi ije Pawang Ternalem, erkiteken mbiring emeka mbiar Beru Patimar ras temanna, kiam ia mulihken)
Sampati nake…. Sampati…. Begu…..
Pawang Ternalem :
Ola kam mbiar turang, labo aku begu. Adi nggo kari aku ridi, banci nge jadi atendu nandangi aku, mama biringndu si mbiring manggis…
Beru Patimar :
Cih…, ciga ateku pe. Ngena nina ka… Ih… cuh…
Pawang Ternalem :
Ula kam mapas turang, gendek-gendek gia bagenda, labo tentu aku nge pagi belati sumbung pisondu.
Beru Patimar :
Tidaklah you….. sori-sori aja ya… Ngaca donk…
(ngajak temanna mulihken) Etah nak, mulih kita ku rumah.
Juak-juak :
Momo ibas Pengulu Jenggi Kumawar nari.
Momo ibas Pengulu Jenggi Kumawar nari man rayat si rulo.
Apai pagi kam karina si ngasup nangkih tualang si mande angin, emaka ia pe bagi jadi perbulangen Beru Patimar, anak si sada Pengulu Jenggi Kumawar.
Emaka enggo banci gundari nari idaftarkenndu man bangku. Tidak dipungut biaya pendaftaren. Informasi lengkap banci hubungindu ku nomor telepon hotline 88677768, entah pe ku situs www.berupatimar.com. Bujur.
(Minter reh piga-piga kalak ndaftar, termasuk pe Pawang Ternalem, janahna ndaftar itatapna rusur Beru Patimar, janah Berun Patimar buang muka)
Juak-juak :
Erkiteken enggo enterem sindaftar emaka minter me silakoken gundari.
Nomor sada !!.
Nomor 1 :
(Nangkih meja)
Ooo…oh.., (ndabuh) La ku ngasup pal.
Juak-Juak :
Nomor dua !!
Nomor 2 :
Iak… oh…, uhp… uhp…, nyerah….
Juak-juak :
Nomor telu !!
Pawang Ternalem :
(nangkihna meja ndai alu manjar-anjar emaka she me ia idatas)
Juak-Juak :
Erkiteken Nomor telu enda me si ngasup ndangkihsa, emaka keputusen bagi si enggo imomoken, emaka ia me si berhak ngempoi Baru Patimar…
Keputusen juak-juak mutlak dan tidak dapat diganggu gugat. Bujur.
Beru Patimar :
Laaaa..ng…., aku laa…nnnng !! Mejin kuakap…. Langgg.
Pawang Ternalem :
(Ideherina Beru Patimar manjar-anjar, kenca enggo ndeher rempat dagingna jadi mbestang, nggedang dingen mejile)
Beru Patimar :
Ha…., Ngha…. Ka…ka …kam kin si.. si ndai……
(dakepna Pawang Ternalem si enggo berubah)
Adi bage kam me perbulangenku…..
Pemusik ras Sidebanna :
Huuuu…… hu………
Lagu :
Vokal : Tio Fanta br Pinem
Dung/Selesai/The End.
KEDAI PENGGUAL
Episode :
PAWANG TERNALEM
Yulianus Liem Beng, Penulis Naskah
Para Pelaku :
Ramli Barus, Pawang Ternalem
Tio Fanta br Pinem, Beru Patimar
Untung Purba, Datuk Rubia Gande
Ronald Bangun, Perlanja Sira 1
Kornelius Meliala, Perlanja Sira 2
Seroja Tarigan, Bapa Beru Patimar
Anita br Pinem, Nande Beru Patimar
Rita br Tarigan, Teman beru Patimar
Ginting Kelana, Juak-juak Bp. Beru Patimar
Pemain Musik :
Ramona Purba, Balobat, Surdam, Flute
Jafar K Surbakty, Kibot Karo
Junianto S Meliala, Gendang Indung
Yulianus Liem Beng, Gdg Anak, Piano Electric
Adil Tarigan, Gitar
Ramona Lingga,Kulcapi
Minson Ginting, Gung dan Penganak
Penata Lagu dan Musik :
Yulianus Liem Beng
Sutradara :
J. Terkelin Tarigan
Yulianus Liem Beng
Dimainkan oleh :
Sanggar Kesenian Karo PARTITUR
Scene 1
Backdrop : Hutan dan Rumah Adat Karo
Opening :
Lagu : Kuperlajangen
Cipt. : F. La Mindo S
Vocal : Tio Fanta Pinem
Teridah ibas panggung Pawang Ternalem sangana latih ukurna ibas kerangen si Limbur Raya. Babana sada punjut-punjuten tare kampuh. Kenca dung lagu ‘Kuperlajangen’ emaka minter Pawang Ternalem kundul ibas sada batang kayu si enggo mbulak, janah ngerana ia sisada.
Pawang Ternalem :
Mejuah-juah, nande bapa turang senina karina, kupetandaken man banta kerina, aku me Pawang Ternalem, pawang si termur-mur. Enda me turi-turin kerna geluhku. Ula kam mapas, amin gia gendek bagenda, tapi aku : PAWANG. Em ia. Pawang !!
Oh, enda maka. Geluh pe la bagi pergeluh kalak, anak sisada, parang sembiring mergana lampas melumang, sada wari ngenca ernande, dua wari ngenca erbapa. Kade-kade pe la kerina erpemuang man bangku, uga denga nge pergeluhku e nande, uga denga nge kecibalku e oh bapa si la ndube kutandai. Enggo menda papak sembiring mergana I tengah kerangen si limbur raya enda. Kuja denga kin kujingkangken nahengku nande, kuja denga kujingkangken nahengku o Bapa si la kutandai ndube. Arimo pe la nggit manken aku…..
Pemusik :
E .. pan arimo, tuhu kin gelah e, nggit kam pan arimo senina ?
Pawang Ternalem :
Adi situhu lang senina, keleng denga nge ateku anak taah..,
Enta kuterusken ya…
Pemusik :
Terusken Senina, sikap ban.
Pawang Ternalem :
Oh…, arimo kin pe labo nggit man ken aku. Muas…, Melihe…,
Bulung-bulung enda me dage kupan ..
Bulung-bulung enda me kupan, mbera-mbera ula mesui beltekku.
(Ipanna me bulung-bulung si lit kerangen e)
Pemusik :
Ula pan ena Pal. Bulung lateng Pal, ula kari meseng bitukandu….
Pawang Ternalem :
Labo dalih pal.., Enggo terpan aku Pal…
O nini beru kertah ernala…. Enggo terpan aku bulung lateng ndai nini, ula kel aku si magin-magin banndu nini. Eh, deh ko labo kaden pe…..
Scene 2
(Bengket 2 kalak perlanja sira ku panggung, idah Pawang Ternalem reh jelma tapi kem saja ia mperdiateken kalak e alu cebuni, sebab lenga ietehna ise jelma e)
Perlanja Sira 1 :
Ngadi kita lebe Tabar, lanai tertahan deh, enggo ngasak anak….
Perlanja Sira 2 :
Eah dage, ula ndekahsa ula kari kita benen, ambur dage yah…
Perlanja Sira 1 :
(Buang air besar bas sada batang kayu)
Perlanja Sira 2 :
Ula jena anak, ula kari kita bahaya, batang kayuna ena mejangin kuakap e..
Perlanja Sira 1 :
Sentabi kel aku nini, erkiteken lanai ngenda tertahan aku, ula me ukurndu kitik, ula kam merawa o nini si lit ikerangen enda, ku ambur menda inganndu.
Perlanja Sira 2 :
Enda perapusndu Tala…
Perlanja Sira 1 :
Ih, aku dehko Tabar, keleng kel atem ngenehen aku anak, perapusku pe buatmu.
Perlanja Sira 2 :
Iah min, pedasi ula kari kita gelapen tengah kerangen enda, ndauh denga perdalanenta.
Perlanja Sira 1 :
(Bersih-bersih alu perapus ndai, rempet ia lompat)
Nande…., nande…., nande…, melaasss…, melaassss…..
Perlanja Sira 2 :
Iiiii…, uga e Tala…, kena kai e…..,
Perlanja Sira 1 :
Melas Tabar…, melas nak…, melas Tabar…
Perlanja Sira 2 :
Melas…? E enggo bahaya, tenang ko nak, Ula ko lebe mate nak…
Perlanja Sira 1 :
Nande… melas Tabar…, melas anak..
Perlanja Sira 2 :
E enggo me ko siap sekalenda e…, adi banci ula ko min lebe mate nak.
Ula ko mate nak, labo ko kari terbaba aku mulih.
Nguda denga ka kel impal tah, ula ka kari mbalu…
Perlanja Sira 1 :
Kai kin nim lalap e..? Melas nin kalak.., tambari anak… kena kai dehko e ?
Perlanja Sira 2 :
Ningku gia ndai, ma enggo merawa nina ndai dah…
Emaka ula asal ambur ningen, enda ambur ko saja.
Perlanja Sira 1 :
Nini.. nini… nim, bulung kai kin ndai sibereken ko ndai anak…
Melas… Tabar…, melas anak….
Perlanja Sira 2 :
Labo… bulung kai pe Tala, kurang ersentabi nge engko ndai e.
Perlanja sira 1 :
Nen min Tabar…, bulung kai kin e …
Perlanja Sira 2 :
Iokh Ohh…, bulung lateng kepe ken anak Ha…haa….
Perlanja Sira 1 :
Ula ko tawa, kita melas siakap. Akap ndai ben kelengmu, berekenko ka perapusta.
Perlanja Sira 2 :
Haa…haa., sori anak… sori…, gampang nge ena. Ariko ku jenda.
(Ibuatna me bulung-bulung, janah ibacakenna me tabas-tabasna)
Hung…, sikuru-kuru, sikuri-kuri,
Anak manuk paguti menci.
Adi tuhu kin akapndu mesui.
Ula nai inget minter nge ngadii. Puhh….
Sapuken Tala…, sapuken… minter nge kari ngadi.
Perlanja Sira 1 :
Eee. Enggo reh bergehna, eee… reh bergehna nak…
Enggo ka ndai aku mbiar. Uga pe bene nge sekalenda ateku
------------- Commercial Break.
Scene 3.
Lagu :
Vokal : Ramona Purba
Perlanja Sira 1 :
Eta dage yah..
Pawang Ternalem :
(Ndarat ibas inganna cebuni nari)
Sentabi Pa….
Perlanja Sira 1 ras 2 :
(Lompat janah erndikkar erkiteken sengget janahna ndek-dek rawitna)
Hait…, hait…, hait.. Ise ko, minter ko kari retap !!
Pawang Ternalem :
Eee…, laboo.., labo.., aku nge…enggo… enggoo…
Aku Ternalem, enggo lalar aku tengah kerangen enda. Adi banci ikut ateku sada ras kam.
Perlanja Sira 1 :
Ha…., ikut ? Jelma kin gelah e Tabar ?
Perlanja Sira 2 :
Nen min nahena, adi ndedeh taneh e jelma, adi lang e anak ndai….
Pawang Ternalem :
Aku nge Pa, gelarku Ternalem, Sembiring mergangku, bere Ginting, anak Urung Galuh Simale arah kepultaken nari.
Perlanja Sira 1 :
O…, kuakap ka ndai begu. Eakh.
Egia kuja kin atemu e nak, maka enggo ka ko she tengah kerangen enda.
Pawang Ternalem :
Labo lit kel tujunku, emaka kuja kam ku je aku ikut.
Perlanja Sira 2 :
Iakh, kami enda ngelegi sira ngenda ku Binje. Labo ko kari ngasup ngikut-ngikut kami. Egia adi ikut kin nim bancing ko ikut. Ija ko kari la ngasup iak… bagem.
(Berkat me kalak enda).
Pawang Ternalem :
Ngadi kita lebe Pa, enggo latih kel kuakap.
Perlanja sira 1 :
Ii.., enggo ben atena wari e anak, pala-palai min, gelapen kita kari.
Perlanja Sira 2 :
Uga kin bage anak, langa 2 meter pe erdalan ndai enggo latih.
Kurang tawar ko e anak.
Pawang Ternelem :
Tuhu Pa, latih kel kuakap.
Perlanja Sira 1 :
Lo bage yah. Pudin ko, ija kari serpang ban kami tandana, maka ula ko lalar.
Ma bage dage.
Pawang Ternalem :
Adi bage kin akapndu bage pe labo dalih pa. Pudin aku yah….
(Perlanja sira 1 ras 2 ndarat panggung nari, emaka ipala-palai Pawang Ternalem ka me mulihken erdalan ngikuti dalan)
Eh, enda serpang kap e… Ku ja ngenda aku lawes, tandana pe labo kuidah lit.
Oh.. labo bage yah, ku kawes saja aku lawes.
Commercial Break.
Scene 4
Lagu :
Vokal :
Pawang Ternalem :
(Teridah tunduh ibas sada batang kayu, emaka reh me sekalak tua-tua ndeheri ia)
Datuk Rubia Gande :
(Tawa-tawa Ngekelilingi Pawang Ternalem, emaka medakina)
Ha… haa…., erkai ko maka medem ingan ku enda.
Ha… haa… medak ko… ha… haa… medak ko….
Pawang Ternalem :
(Sengget ngidah sekalak tua-tua ilebena, jaggutna mbentar ras nggedang)
Aa… aa…., aku nge nini. Ternalem parang Sembiring mergana bebere Ginting, Urung Galuh Simale kepultaken nari, Anak si sada si lampas kin ndube melumang, dua wari ngenca ernande, empat wari ngenca erbapa.
Kernepkendu sajalah aku nini, enggo me mesui ateku nggeluh. Sima-simaku pe labo merhat ras aku, enggo seminggu aku tengah kerangen enda, lanai bo aku ngasup erdalan erkiteken enggo melihe kel beltekku. Arimo pe labo nggit man aku, nipe galang pe labo nggit mbendut aku. Emaka enggo menda mesui ateku nggeluh ndai. Emaka mekuah min atendu nini gelah kernepkenndu min aku.
Datuk Rubia Gande :
Oh… anakku si kukelengi.
Mekuah dingen megogo pe ateku ngidah geluhndu.
Aku Datuk Rubia Gande, Datuk si Mbisa, Datuk Si erpemeteh dingen mehantu, janah aku kap nini Kerangen Si Limbur Raya enda.
Pawang Ternalem :
O..h, emaka enggo teng-teng kel nini. Emaka bunuhndu saja min aku gelah ula nai ku nanami nggeluh rate mesui ipertibi enda.
Datuk Rubia Gande :
Cinderkenlah ! Mari lah ikut ras aku gelah kubereken man bandu pemeteh.
Mari dage, cinderken anakku … (Iteguna Pawang Ternalem).
(emaka selanjutna I panggung teridah Datuk Rubia Gande)
Datuk Rubia Gande :
E… kenca enggo keri pemeteh si lit bas aku kubereken, emaka sendah engko arus iuji. Emekap lompat ibas batang tualang Si Mande Angin nari, janah kubereken sada pemeteh eme Angin Si Kaba-Kaba sierbahan menahang kulam. Pesikap dage pating ndai kerina gelah sicubaken.
Pawang Ternalem :
Kerina enggo sikap nini.
Datuk Rubia Gande :
Adi bage, pating dage batang tualang Si Mande Angin enda sada-sadai, janah nangkih ku datas.
Pawang Ternalem :
(Nangkihna me kursi entah meja).
Enggo she aku datas nini …..
Datuk Rubia Gande :
Adi bage, tenang ko kentisik, gelah kulebuh lebe angin si kaba-kaba, kenca enggo meter kari angin e, minter saja lompatken ku teruh.
(Mbacaken tabas-tabas, janah ndilo angin)
Iah… anagin….iah angin…., iah angin… iah angin… (iendekenna).
(Angin reh meter) Lompatken dage Ternelem… Lompatken….
Pawang Ternalem :
Mbiar aku nini… meder kel angina….
Datuk Rubia Gande :
Lompatken saja… iah…. Lompat…..
Pawang Ternalem :
Mbiar aku nini… meder kel angina…
Datuk Rubia Gande :
Lompatken saja…, labo kap meganjang, meja kel ngenca ena.. iah min.
Pawang Ternalem :
Ohh.. ue ari, meja kepe ngenca, kuakap ndai tualang si mande angin.
Datuk Rubia Gande :
Payo, adi ceritana bage, iah min lompatken.
(Emaka lompat me ku teruh Pawang Ternalem)
Pawang Ternalem :
Bagi bulung-bulung e saja perndabuhku. Mbiar kel ndai aku.
Datuk Rubia Gande :
Jadi kerina pemetehku enggo kubereken man bam. Enda me pemeteh si terakhir. Emaka gundari enggo banci ko berkat kerangen enda nari. Pakekenlah pemeteh enda guna kiniulin janah ula kel pake guna erbahan rate mesui.
Pawang Ternalem :
Adi bage berkat dagi aku nini.
Commercial Break
Scene 5
Lagu :
Vokal :
Bapa Beru Patimar :
Aku Bapa Beru Patimar, pengulu Urung Jenggi Kumawar, si erdolat.
Oh, bagenda ngenca nanamna nggeluh enda nake, ndehara mehuli, buaten lit melala, juak-juak enterem, Anak mejile ras sehat-sehat kerina.
Nande Beru Patimar :
Bage gia bapa, lit denga nge kuakap sikurangta. Anakta dilaki lalit, janah Beru Patimar pe enggo me pangke, janah lenga bo jumpa atena ngena.
Bp. Beru Patimar :
Bage tuhu ari. Adi bage sibahan dage momo, makana ise saja pe pagi si ngasup nangkih batang Tualang Si mande Angin, maka ia me pagi jadi kelata, jadi perbulangen Anakta Si Beru Patimar.
Juak-juakku !!
Juak-Juak :
Dolat Pengulu !!
Momoken juak-juakku. Momoken !!
Juak-Juak :
Dolat Pengulu !!
Beru Patimar :
Adi bage, kami ridi lebe ku Tapin Lau Buah nande.
Nande Beru Patimar :
Oe anakku, ula kam ndekahsa, enggo ben wari e, to dage anakku.
(Itapin/belakang panggung kepeken enggo ridi ije Pawang Ternalem, erkiteken mbiring emeka mbiar Beru Patimar ras temanna, kiam ia mulihken)
Sampati nake…. Sampati…. Begu…..
Pawang Ternalem :
Ola kam mbiar turang, labo aku begu. Adi nggo kari aku ridi, banci nge jadi atendu nandangi aku, mama biringndu si mbiring manggis…
Beru Patimar :
Cih…, ciga ateku pe. Ngena nina ka… Ih… cuh…
Pawang Ternalem :
Ula kam mapas turang, gendek-gendek gia bagenda, labo tentu aku nge pagi belati sumbung pisondu.
Beru Patimar :
Tidaklah you….. sori-sori aja ya… Ngaca donk…
(ngajak temanna mulihken) Etah nak, mulih kita ku rumah.
Juak-juak :
Momo ibas Pengulu Jenggi Kumawar nari.
Momo ibas Pengulu Jenggi Kumawar nari man rayat si rulo.
Apai pagi kam karina si ngasup nangkih tualang si mande angin, emaka ia pe bagi jadi perbulangen Beru Patimar, anak si sada Pengulu Jenggi Kumawar.
Emaka enggo banci gundari nari idaftarkenndu man bangku. Tidak dipungut biaya pendaftaren. Informasi lengkap banci hubungindu ku nomor telepon hotline 88677768, entah pe ku situs www.berupatimar.com. Bujur.
(Minter reh piga-piga kalak ndaftar, termasuk pe Pawang Ternalem, janahna ndaftar itatapna rusur Beru Patimar, janah Berun Patimar buang muka)
Juak-juak :
Erkiteken enggo enterem sindaftar emaka minter me silakoken gundari.
Nomor sada !!.
Nomor 1 :
(Nangkih meja)
Ooo…oh.., (ndabuh) La ku ngasup pal.
Juak-Juak :
Nomor dua !!
Nomor 2 :
Iak… oh…, uhp… uhp…, nyerah….
Juak-juak :
Nomor telu !!
Pawang Ternalem :
(nangkihna meja ndai alu manjar-anjar emaka she me ia idatas)
Juak-Juak :
Erkiteken Nomor telu enda me si ngasup ndangkihsa, emaka keputusen bagi si enggo imomoken, emaka ia me si berhak ngempoi Baru Patimar…
Keputusen juak-juak mutlak dan tidak dapat diganggu gugat. Bujur.
Beru Patimar :
Laaaa..ng…., aku laa…nnnng !! Mejin kuakap…. Langgg.
Pawang Ternalem :
(Ideherina Beru Patimar manjar-anjar, kenca enggo ndeher rempat dagingna jadi mbestang, nggedang dingen mejile)
Beru Patimar :
Ha…., Ngha…. Ka…ka …kam kin si.. si ndai……
(dakepna Pawang Ternalem si enggo berubah)
Adi bage kam me perbulangenku…..
Pemusik ras Sidebanna :
Huuuu…… hu………
Lagu :
Vokal : Tio Fanta br Pinem
Dung/Selesai/The End.
Comments
Online casinos superficially touch on up looking for occupation odds and payback percentages that are comparable to land-based casinos. Some online casinos contend higher payback percentages during breach motor buggy games, and some lease out something be known payout interest audits on their websites. Assuming that the online casino is using an fittingly programmed unsystematic myriad generator, eatables games like blackjack enthral warrant an established congress edge. The payout disinterestedness during these games are established then non-standard owing to the rules of the game.
Innumerable online casinos sublease or grapple their software from companies like Microgaming, Realtime Gaming, Playtech, Supranational Manoeuvre Technology and CryptoLogic Inc.
Online casinos typically pronounce odds and payback percentages that are comparable to land-based casinos. Some online casinos contend higher payback percentages during calling will games, and some remonstrate upon known payout imply audits on their websites. Assuming that the online casino is using an aptly programmed unsystematically compute generator, offer games like blackjack clothed an established family edge. The payout holding after these games are established at closer the rules of the game.
Uncounted online casinos permission effectively or acquire their software from companies like Microgaming, Realtime Gaming, Playtech, Extensive Encounter Technology and CryptoLogic Inc.