Drama Natal
NASKAH DRAMA
SADA ANTARA DUA
Lembaga pengkajian dan pengembangan kesenian karo
Jl. Jati tengah xvi b-166 Perum bumi bekasi baru
Bojong menteng bekasi 17117
Telp. (021) 82607875;
e-mail : liembeng@yahoo.com
Casting :
Nd. Gorti : Ketua Moria Kuta Cibakut. Ia kalak situtus. Kai kenca kegiaten
gereja enggo ia je. Perbulangenna pe sekalak Diaken.
Nd. Tampah : Sekalak diberu balu-balu, anakna erlajar singuda-nguda dua.
Pendahinna la tentu erkiteken kerina ertana enggo keri guna
Nggalari utang judi perbulangenna. Ia pe sekalak si tutus.
Tampah : Anak Nd. Tampah, sangana SMP denga.
Maryati : Agi Si Tampah, ia sekolah SD denga, janah pintar sekolah.
Nd. Gupak : Bibi Nande Tampah, nande perbulangenna
Nd. Goran : Sekalak pernanden kalak bayak. Dilakina sekalak perbinaga.
Janah pebunga-bungaken sen rusur dahinna, tapi aktif ka moria.
Nd. Kurak : Sekalak pernanden guru SD Inpres. Ia guru koor moria, janah
rusur sakit. Kurang harmonis ras perbulangenna erkiteken ia
sakit-sakiten. Ia me guru kelas si Maryati..
Nd. Lukut : Pernanden jegir, pergantang telpus, tapi percik-cik.
Nd. Roki : anggota Moria kuta Cibakut
Nd. Jondit : Anggota Moria kuta Cibakut
Bp. Gorti : Perbulangen Nd. Gorti. Diaken kuta Cibakut.
Bp.Kurak : Perbulangen Nd.Kurak , sekalak preman kuta-kuta.
Aswan Cani : Tukang kredit barang-barang ku kuta-kuta, kalak Minang.
Drama enda hanya fiktif saja, janah labo lit sura-sura nyinggung pribadi—pribadi, bagepe lembaga si lit. Tapi arah enda ateta banci nehken pengertin man kita arah kata Dibata si lit gelah banci sipakeken ibas kegeluhenta si tep-tep wari. Bujur.
Dk. Bp. Liezsecha Xeane Fhoo Liem Beng
Scene 1.
Terbegi sora surdam melenget, ibas jabu e teridah telu kalak diberu, sada pernanden alu ayo si kusam ras perbajuna pe seadana saja, janah dua anakna Si Tampah ras Si Maryati. Situasi nggambarken kalak enda kenca enggo dung man berngi, janah ngerana-ngerana kerna kecibal keluargana.
Nd. Tampah : Uga tugas-tugas sekolahndu Tampah, ma nggom dung kerjaindu?
Tampah : Enggo Nande, tapi uang sekolahku enggo telu bulan langa galar,
Emaka adi banci pagi sibayar min nande….
Nd. Tampah : Minggu sireh ningen man gurundu nakku, sebab minggu si reh
kuakap enggo me nulak ku tiga cimen ta. Je kari mis si lunasi
kerina.
Tampah : Tapi mela aku nde, aku nari nge tiap bulan rutang, enda uang
natal pe enggo ka arus man galaren.
Maryati : Aku pe tukur baju natalku nde… sebab teman-teman pe kerina
Enggo ka nukur baju mbaru…
Nd. Tampah : Ue anakku, si tukur kari ku tiga, egia uga kin pelajarenndu ?
Maryati : Ponten seratus ndai aku nande ?
Nd. Tampah : Merandal anakku Maryati, sayang nandena, kam kel erbahan
malem ateku. Kam kel duana pengarapenku ras semangatku
nakku…
Tampah : Tapi nande…
Nd. Tampah : Engkai anakku Tampah…
Tampah : Aku labo kuakap adil Tuhan e nande, si Goran ah perkisat kel nge
kuidah, tapi kadena pe lit. Aku pagi-pagi e enggo ngelegi lau,
erdakan, emaka sekolah, mulih sekolah naptapi, emaka pinter ka
ku juma, tapi engkai maka bagenda ban Tuhan geluhta nande ?
engkai nande ?
Nd. Tampah : (Sinik saja ia, janah tatapen matana ndauh la ersibar….)
Tampah : Aku labo perlu baju mejile, tapi nambari baju saja pe susah kel
Siakap. Tiap minggu kita ku gereja, asa ukurta meriah sisampati
Nge kalak, tapi engkai maka man saja pe susah kel siakap ?
Lit kin gelah Dibata e nande ?
Nd. Tampah : (nergang) Cukup Tampah !!
(alu sora lembut, janah dakepna si Tampah) Maafken aku Nakku,
Anakku… tek kita, maka kekelengen Tuhan e ndauh beliden asa
Kekelengen kai pe idoni enda, secara manusia la terukuri kita
Kai sura-sura Dibata. Tunduh lah kam duana, enggo mbages
Berngi, ula lupa ertoto, janah lampas kam medak pepagi…
To dage yah…..
(Tampah ras Maryati berkat tunduh, tading nandena sisada).
Nd. Tampah : Tuhan, kai nari kin bandu percuban man bangku Tuhan ?
Tapi la kap kam kutadingken janah aku tetap ras kam nindu,
E kap sierbahanca aku enteguh Tuhan…
Scene 2
Nd. Gorti : Jadi bagendam sendah PA Morianta ibas berngi enda.
Kira kolekte ena ndai, janah piga kita si pulung Nd. Goran..
Minggu si reh rumahndu kita Nande Roki ?
Nd. Roki : Aku sekali nari Nande Gorti..
Nd. Gorti : adi bage uga, rumahndu Nande Jondit ?
Nd. Jondit : Rumah tah pe labo dalih, tapi aku labo terban aku pangan
Bagi panganta sekalienda ya nake….
Nd. Lukut : Labo kap pangan ayaken PA Moria enda nande Jondit.
Nd. Jondit : Ma pangen terus terang, ateku nuduhkenca ula kari erkiteken la
Terban kita pangan maka la kita nggit PA rumah ta ateku..
Nd. Roki : Ma labo aku singgungndu e Nd Jondit ?
Nd. Jondit : Lang teman, ise pe labo kusinggung.., aku nge ningku..
Nd. Kurak : Nande Tampah lakuidah reh sekalenda e..
Nd. Goran : Kolektena lima ribu dua ratus rupiah Nande Gorti….
Nande Tampah rani kuakap cimun na ….
Payo nge, utangna pe lit denga bas aku langa galarina..
Kutiga pagi ma minter kari galarina….
Nd. Kurak : Sekolah ah pe kugalari nge rusur uang sekolah anak naaah..
Mekuah nge min ate, em adi dilaki la erluhu…
Mate nadingken utang, erta keri.. ndatkenca anak… Ko.. ale..
Nd. Roki : Bapa Kurak ah gia la kin bage nge perasatna..
Nd. Kurak : Ue, bedana ia langa mate, e ngenca. Aku pe perbahan lit nge
man alonken tiap bulan ibas pemerintah enda nari, lang gawat
nge.
Nd. Lukut : Lang kin gia, adi nguda denga bagah, kai kin pe maka la erjabu
Ia mulihi, adi ngena nge ate Bapa Korting ah ia, ma lalah ia
sekalak encariken si lalit e. Enda utangi jah, bayari jenda.
Nd. Goran : Bage kin, Bapa Korting seh kel ngenana atena Nd. Tampah ah…
Nd. Kurak : Lang kin pe kalak e sanga nguda denga pernah kuakap erteman-
teman ma ?
Nd. Lukut : Adi kerna si ena, aku kueteh kerina, makana ndelis pe Nande
Korting marenda erkiteken jadina atena Bapa Korting ah man
Nande Tampah ah nge ..
Nd. Gorti : E denga kel kita dung PA Moria, enggo ka kita cikurak nake..
Nd. Goran : Labo e cikurak Nande Gorti, kata tuhu nge sikataken kita e.
Adi lalit bage tah uga, enda si payo kap kataken kita e..
Nd. Kurak : Bage kin Nande Gorti, perbahan kuahna nge ateta Nande Tampah
ah, em kap tandana kita erdiate e, labo ncikurakken gelarna e…
Nd. Gorti : Cikurak entah lang, sicakapken kerna kalak sideban…
Nd. Lukut : Nande Tampah ah bas tukang perabot ah pe lit utangna..
Mekuah ate Uda Aswan ah ndai, kemana Nande Tampa nina rusur
Nd. Goran : Ban nggo kataken kena e nge, lang bas aku pe she kel lalana
utangna. Emaka lanai bo dat ia mindo kai pe nina.
Nd. Gorti : Labo bage nake, isekin jelma lit atena rutang…
Nd. Lukut : Adi nina kalak e Konglomerat ah perutang-utang nge kerina..
Nd. Gorti : Maksudku kita enda, ma labo ateta kita rutang, tapi uga ban
Adi bage ngenca bancina…
Nd. Jondit : Aku leben mulih Nande Gorti, enggo mbages berngi e…
Nd. Gorti : E.. ue Eda, mejuah-juah (sisalamen).
Nd. Kurak : Ue yah…, enggo lit contoh, aku pe mulih ya…
Nd. Gorti : Mejuah-juah, bujur… bujur… bujur… bujur… (salamen).
Scene 3
(teridah ka jabu Nd. Tampah kundul ia ras anakna).
Nd. Gupak : (reh ku jabu enda janah merawa).
E bagenda nge Beru Muli, adina enggo mate Bapa Tampah
marenda, ula nai cameti juma ah ndai. Adi banci kerina cimun mu
ah ndai perani, gelah banci jumai Si Gopal ah.
Nd. Tampah : Adi lanai banci perjumai kami, kuja nari kami erjuma bibi…
Nd. Gupak : Kuja kuja nim, adi sewana pe labo berekenmu…
Nd. Tampah : Nggeluh denga pe Bapa Tampah e kap perjumai kami, janah
Nina juma em sikerajangen kami
Nd. Gupak : Pangna kena erban-ban jangna, langa aku mate ya…
Pokokna lanai banci perjumaiko juma e ndai..
Adi la atem kututupen ah…
Nd. Tampah : La kin kempundu nge si Tampah e Bibi…
Nd. Gupak : Kempu, kempu nim, ma erjabu ka nge atem ras Bapa Korting ah
Nd. Tampah : Ula kel kam bage ya Bi…
Nd. Gupak : Ue yah, pokokna lanai banci, jenaa ko..
Nd. Tampah : Huu… uuuu.. nghhuuu… huiii
(Ngandung Nd. Tampah ilebe-lebe anakna).
Tampah : Enggo me nande, sakit ka kam kari nande…
Aswan Cani : Halo…, halo…., Bu Tampah ada ya….
(Lalit singaloi).
Aswan Cani : Haloo…Bu Tampah di rumah ya…..
Tampah : Ada Pak, kenapa..?
Aswan Cani : Mana ibunya ?
Tampah : Kam nina nande.
Nd. Tampah : (Lapna iluhna, amin gia teridah denga megara matana).
Eh… Uda, gimana da…
Aswan Cani : Gimana bu angsurannya, udah bolak-balik awak kesini,
Katanya baru jual mentimun ya…
Nd. Tampah : Ya, tapi nggak seberapa.
Aswan Cani : Gimana ni…, udah empat bulan lho buk…
Nd. Tampah : Aku bayar satu bulan dulu ya..
Aswan Cani : Jangan dong buk, tiga bulan boleh lah…
Nd. Tampah : Benar Uda, bulan depan aku kasih kurangnya.
Aswan cani : Jangan bu.., nanti susah akunya…
Nd. Tampah : Kalau begitu bagaimana kalau barangnya kukembaliin,
Aswan Cani : Tetap aja buk..
Nd. Tampah : Kalau begitu inilah..
Aswan Cani : (Catat catat di bukunya sambil terima uang). Terimakasih.
Tampah : Uang sekolah ku ndai Nande ija ka pagi sibuat…
Nd. Tampah : Lanai kueteh anakku, bulan si reh nindu.
Tampah : Aku lanai bo pang nande, lalap bulan si reh ningen
Nd. Tampah : Bagem lebe anakku, uga sibahan.
Tampah : Lang ngadi saja lebe aku nande, enggo pagi lit senta sekolah ka
aku mulihken, labo dalih adi bage ngenca bancina. Gelah banci
kam kusampati ku juma, ngemo-ngemo pe juma kalak e labo
dalih nande.
Nd. Tampah : Ula kam ngadi anakku, sayang nandena…
Nd. Goran : Rumah kang kam Nande Tampah ?
Nd. Tampah : Rumah nande Goran, mari kurumahken …
Nd. Goran : La kuidah kam reh nderbihnai Moria…
Nd. Tampah : Melawen kel aku mulih juma nari teman
Nd. Goran : Kutiga cimunndu ningkalak, bage kin…?
Nd. Tampah : Bage nande Goran, labo melala…
Nd. Goran : Gelah ingetndu ateku, utang Bapa Tampah marenda lit denga..
Nd. Tampah : Kuinget nge nande Goran, sabar kam lebe nak teman..
Nderbih denga aloken sitik, mis ka nge keri….
Nd. Goran : Aku dehkam, adi ndekah-ndekahsa kin lalap lagalari kena,
Banci ka kari sirang perkade-kadenta. Emaka rukur kam.
Nd. Tampah : Ula kin mis bage teman, sabar kam, mis kari kugalari.
Nd. Goran : Labo terban lalap sabar, sabar e pe lit nge batasna.
Adi bage TV ndu e kuangkat, galarindu pagi kuulihken.
Nd. Tampah : angkat teman adi bage kin akapndu mehuli.
Nd. Goran : (angkatna TV ndai, janah ndarat ia).
Bagem dage lebe ya, kubabab lebe TV enda.
Ee… ula kam lupa, Moria minggu si reh rumah Nd. Jondit.
Nd. Tampah : Ue teman ya…, bujur ya…
Pertoton : O Tuhan, ula tembehi dingen ula salahi aku ! Ula ukum aku alu pernembehNdu ! O Tuhan enggo latih kel kuakap, mekuah min ateNdu kempak aku. O Tuhan asakai nari dekahna maka isampati Kam aku ? Mari Tuhan, kelini aku, pulahilah aku, perban keleng ateNdu. Latih kel kuakap ibas kelsehen tiap-tiap berngi. Lembab ingan ku medem iban tangisku. Bantalku litap perban iluhku. Rasa lalap kin ?
Scene 4
Bp. Kurak : Kai ka maka kimbangi kam amak e sendah e ?
Nd. Kurak : Rumahta enda sendah PJJ.
Bp. Kurak : PJJ ? Uga maka la kam ngata ?
Nd. Kurak : Kataken ras la kataken labo kam pernah nggit ikut ateku..
Bp. Kurak : Adi bage la banci ban PJJ sendah jenda.
Nd. Kurak : Ula bage Pak, enggo ka jenda ningen..
Bp. Kurak : Pokokna la banci, darami ingan kena pulung. (Lawes ndarat).
(Bp. Gorti ras Nd. Gorti reh guna PJJ)
Bp. Gorti : Ee.. mejuah-juah Bapa Kurak, kuja nge atendu e, rumahndu kap sendah
Perpulungen jabu-jabunta…
Bp. Kurak : Ula je bahan kena adi la ate kena gejek kuta enda.
Bp. Gorti : Uga kin e Bapa Kurak ?
Bp. Kurak : Uga atendu bage, pokokna la banci. (lawes ndarat).
Nd. Kurak : Adi la banci nina la pedah paksaken Diaken, daripada gejek.
Bp. Gorti : Rumah ah siban yah.. (reh nande Tampah).
Nd. Tampah : Kai e nake.. maka pedas naring kuidah Bp. Kurak ah erdalan ?
Nd. Gorti : La berena jenda ban PJJ nande Tampah..
Nd. Tampah : Adi bage rumah ah siban, labo dalih.
Nd. Kurak : E maaf ya nake…. Uga ban dilaki pe la bagi dilaki kalak.
(anggota perpulungen si deban reh)
Bp. Gorti : PJJnta sipindahken kurumah Nd. Tampah nake.
Nd. Goran : Uga maka bage ?
Nd. Gorti : Lanai bo man sungkunen, eta dage ku jah…
Scene 5
Nd. Tampah : Kuturiken sitik penggejapenku kerna bahan PJJ nta ibas berngi si sendah
enda. Maka sieteh ras-ras, kenca Bapa Tampah idilo Dibata, mbelang kel
jine tadingkenna utang si man galaren, amin la gia teh kami utang kai
sibahanna e. Tapi sada prinsip si lit ku jemak selama enda emekap tek
aku maka la ipediat Dibata anakNa italuken kuasa doni enda.
Simehergana man kami emekap pepulung erta isurga, sebab erta doni
enda banci ipan nget-nget, tembesin janah banci itangko pinangko. Tapi
erta isurga labanci ipan nget-nget, tembesin dingen tangko pinangko.
Sebab ija ertandu iej ukurndu nina ibas Matius 6 : 21, emaka erkiteken
ertaku isurga, emaka kusurga e lalap ukurku. Janah sada jaminen
sibereken Dibata, bagi sitersurat ibas kitab Matius 28 : 20b, nina Janah
Ingetlah ! Aku tetap kap ras kam she ku kedungen jaman. Emaka malem
kel ateku nggeluhken geluhku gundari aminna gia secara ukuren doni
kami mesera, tapi bapangku sinisurga bayak kap. I doni enda gundari
lanai lit juma siman cameten, erkiteken enggo ibuat bibi, utang mbelang,
janah lanai kami banci nonton TV, tapi isurga pagi ndauh kel hebaten
siman dedahen asa TV enda….
Nd. Goran : Enggo me Nande Tampah, ula pedah terusken pengejapenndu e.
Megogo kuakap megikenca. Aku kuakap sini katakenndu e.
Padahal TV ndu ndai pe labo man kadengku pe. Em erkiteken egoisku
saja rusur kubaba. Enda situhuna la rusur sisadari. Pagi mis kutaruhken
TV-ndu ndai, Janah ibas perpulungen enda kuakuken, amin la gia je Bp.
Goran kerina utang Bp. Tampah enggo me. Kai kam perlu kupudi wari
enda ngata kam, ula kam mbiar-mbiar.
Nd. Tampah : Lang nande Goran, erjanji aku maka kugalari nge pagi kerina utang-
utang Bapa Tampah. Sebab tek aku Dibata labo iberena ipermelaken
anak-anakNa.
Nd. Goran : Tuhu nande Tampah, enda ibas ukurku simbages na nari kel.
Selama enda sen saja ngenca ibas ukurku. Amin gia ras kita pulung
Rusur PJJ, Moria, gereja, tapi kalak sideban nge kuakap kerina.
Sipenting sura-surangku erdalan, labo kunehen uga kondisi kalak.
Adi minjam nina, pasti enggo lit uang masuk arah bungana ateku.
Nd. Tampah : Penggejapenku ndai labo lit kusinggung ise pe Nande Goran, enda murni
kel penggejapenku. Emaka labo lit maksudku arah e gelah terpukul kalak
sideban.
Nd. Goran : Tuhu Nande Tampah, tapi penggejapenndu e me sinyadarken aku ibas
Tingkah lakuku selama enda. Emaka ibas jabundu enda ka me dua wari
si lepas ku angkat TV-ndu. Rukur aku, jelma kin aku e ateku… emaka
ijenda ka me kuakap ibas berngi enda aku reh mindo maaf man bandu.
(dahina nande Tampah, janah dakepna, janah ngandung ia)
Nd. Goran : Ula kel tama-tama ukurndu ya teman..kepeken dua kel ngenca pilihen
ibereken dibata. Kuja kin kita ku kawes entah kemuhun, labo lit tengah-
tengah. Labo lit sada budak dua tuanna, adi tuanta Dibata sitandai kita
arah anakNa Yesus Kristus, emaka Ia lah sibahan jadi ikutenta kerina
ibas geluhta maka atan kita kubas inganna si mbas si enggo ijanjikenna e.
Nd. Lukut : Aru ka pe ateku ngidah keadaan enda. Aku pe selama enda labo kueteh
kel uga situhuna keadaanndu nande Tampah. Erdiate ninta rusur.
Samping rumahta e pe lanai bo siperdiateken ….
Nd. Roki : Bage kin nake, aku pe lit nge perbagidina.
Nd. Jondit : Kerina nge kita hampir bage, saja aku cekurak kena rusur lakucampuri.
Nd. Kurak : Adi kuakap perban lit nge lagunta ula kel subuki si jahat alu sijahat nina
emaka kuakap ras kita lebe ngendeken lagu e.
Rende : Ula Subuki si Jahat alu si jahat
Bp. Gorti : Jadi kuakap, enda labo secara kebetulen bage-bage saja. Tentuna tek kita
maka Dibata nge kerina singatursa. Emaka man kita kerina mari sibuat
enda menjadi sada pelajaren simeherga guna banci tuhu-tuhu
sipraktekken ibas perpulungenta, gelah tuhu-tuhulah kita erdiate
nandangi temanta, terlebih kita sisada kiniteken. Sibenaken ibas jabunta
nari, emaka ku jelma sienterem. Alu bage kita jadi ajar-ajar tuhan
sierdiate.
Bp. Kurak : Enggo dung nake ?
Bp. Gorti : Kentisik nari silih, mari kubasken.
Nd. Tampah : Kundulken turangku…
Bp. Kurak : Ue turangku…, Reeeemmmmpet kel aku ndai mbiar kenca kupelawes
kena rumah ah ndai nari. La kueteh kai aku mbiar e, tapi mbiar aku
lalap. Erkai pe lakuakap tenang. Lit pe lalap jokerndu ndai bas warung
ah, lalap kuakap la tenang. Erleng kap ndai aku e. Emaka kuputusken reh
kujenda. Seh ingan enda minter kel kuakap tenang, janah bene
kebiarenku. La kuangka kai kin e…
Bp. Gorti : Adi bage endam kuakap pendilo Tuhan man bandu.
Bp. Kurak : Rencanaku pe bagenge situhuna silih, tapi selama enda lalit sindilo aku.
Emaka ijenda kuakap situasi si pas kel, emaka mindo maaf aku man kam
kerina, ija akapndu salahku. Bagepe man bandu Nande Kurak, ngaku aku
salah, janah sendah nari kupudi wari tutus ateku nggeluh ras erDibata.
Bp. Gorti : Jadi bagem kuakap, enggo ndai sisaksiken drama enda…
Marilah sibuat hikmahna, enggo kari nggedangsa. Bujur ras mejuah-juah
Kita kerina. Sekali nari bujur……
Bj. Menteng, 14 Oktober 2003.
Drama Natal GBKP Runggun Bekasi, 24/12/2003.
SADA ANTARA DUA
Lembaga pengkajian dan pengembangan kesenian karo
Jl. Jati tengah xvi b-166 Perum bumi bekasi baru
Bojong menteng bekasi 17117
Telp. (021) 82607875;
e-mail : liembeng@yahoo.com
Casting :
Nd. Gorti : Ketua Moria Kuta Cibakut. Ia kalak situtus. Kai kenca kegiaten
gereja enggo ia je. Perbulangenna pe sekalak Diaken.
Nd. Tampah : Sekalak diberu balu-balu, anakna erlajar singuda-nguda dua.
Pendahinna la tentu erkiteken kerina ertana enggo keri guna
Nggalari utang judi perbulangenna. Ia pe sekalak si tutus.
Tampah : Anak Nd. Tampah, sangana SMP denga.
Maryati : Agi Si Tampah, ia sekolah SD denga, janah pintar sekolah.
Nd. Gupak : Bibi Nande Tampah, nande perbulangenna
Nd. Goran : Sekalak pernanden kalak bayak. Dilakina sekalak perbinaga.
Janah pebunga-bungaken sen rusur dahinna, tapi aktif ka moria.
Nd. Kurak : Sekalak pernanden guru SD Inpres. Ia guru koor moria, janah
rusur sakit. Kurang harmonis ras perbulangenna erkiteken ia
sakit-sakiten. Ia me guru kelas si Maryati..
Nd. Lukut : Pernanden jegir, pergantang telpus, tapi percik-cik.
Nd. Roki : anggota Moria kuta Cibakut
Nd. Jondit : Anggota Moria kuta Cibakut
Bp. Gorti : Perbulangen Nd. Gorti. Diaken kuta Cibakut.
Bp.Kurak : Perbulangen Nd.Kurak , sekalak preman kuta-kuta.
Aswan Cani : Tukang kredit barang-barang ku kuta-kuta, kalak Minang.
Drama enda hanya fiktif saja, janah labo lit sura-sura nyinggung pribadi—pribadi, bagepe lembaga si lit. Tapi arah enda ateta banci nehken pengertin man kita arah kata Dibata si lit gelah banci sipakeken ibas kegeluhenta si tep-tep wari. Bujur.
Dk. Bp. Liezsecha Xeane Fhoo Liem Beng
Scene 1.
Terbegi sora surdam melenget, ibas jabu e teridah telu kalak diberu, sada pernanden alu ayo si kusam ras perbajuna pe seadana saja, janah dua anakna Si Tampah ras Si Maryati. Situasi nggambarken kalak enda kenca enggo dung man berngi, janah ngerana-ngerana kerna kecibal keluargana.
Nd. Tampah : Uga tugas-tugas sekolahndu Tampah, ma nggom dung kerjaindu?
Tampah : Enggo Nande, tapi uang sekolahku enggo telu bulan langa galar,
Emaka adi banci pagi sibayar min nande….
Nd. Tampah : Minggu sireh ningen man gurundu nakku, sebab minggu si reh
kuakap enggo me nulak ku tiga cimen ta. Je kari mis si lunasi
kerina.
Tampah : Tapi mela aku nde, aku nari nge tiap bulan rutang, enda uang
natal pe enggo ka arus man galaren.
Maryati : Aku pe tukur baju natalku nde… sebab teman-teman pe kerina
Enggo ka nukur baju mbaru…
Nd. Tampah : Ue anakku, si tukur kari ku tiga, egia uga kin pelajarenndu ?
Maryati : Ponten seratus ndai aku nande ?
Nd. Tampah : Merandal anakku Maryati, sayang nandena, kam kel erbahan
malem ateku. Kam kel duana pengarapenku ras semangatku
nakku…
Tampah : Tapi nande…
Nd. Tampah : Engkai anakku Tampah…
Tampah : Aku labo kuakap adil Tuhan e nande, si Goran ah perkisat kel nge
kuidah, tapi kadena pe lit. Aku pagi-pagi e enggo ngelegi lau,
erdakan, emaka sekolah, mulih sekolah naptapi, emaka pinter ka
ku juma, tapi engkai maka bagenda ban Tuhan geluhta nande ?
engkai nande ?
Nd. Tampah : (Sinik saja ia, janah tatapen matana ndauh la ersibar….)
Tampah : Aku labo perlu baju mejile, tapi nambari baju saja pe susah kel
Siakap. Tiap minggu kita ku gereja, asa ukurta meriah sisampati
Nge kalak, tapi engkai maka man saja pe susah kel siakap ?
Lit kin gelah Dibata e nande ?
Nd. Tampah : (nergang) Cukup Tampah !!
(alu sora lembut, janah dakepna si Tampah) Maafken aku Nakku,
Anakku… tek kita, maka kekelengen Tuhan e ndauh beliden asa
Kekelengen kai pe idoni enda, secara manusia la terukuri kita
Kai sura-sura Dibata. Tunduh lah kam duana, enggo mbages
Berngi, ula lupa ertoto, janah lampas kam medak pepagi…
To dage yah…..
(Tampah ras Maryati berkat tunduh, tading nandena sisada).
Nd. Tampah : Tuhan, kai nari kin bandu percuban man bangku Tuhan ?
Tapi la kap kam kutadingken janah aku tetap ras kam nindu,
E kap sierbahanca aku enteguh Tuhan…
Scene 2
Nd. Gorti : Jadi bagendam sendah PA Morianta ibas berngi enda.
Kira kolekte ena ndai, janah piga kita si pulung Nd. Goran..
Minggu si reh rumahndu kita Nande Roki ?
Nd. Roki : Aku sekali nari Nande Gorti..
Nd. Gorti : adi bage uga, rumahndu Nande Jondit ?
Nd. Jondit : Rumah tah pe labo dalih, tapi aku labo terban aku pangan
Bagi panganta sekalienda ya nake….
Nd. Lukut : Labo kap pangan ayaken PA Moria enda nande Jondit.
Nd. Jondit : Ma pangen terus terang, ateku nuduhkenca ula kari erkiteken la
Terban kita pangan maka la kita nggit PA rumah ta ateku..
Nd. Roki : Ma labo aku singgungndu e Nd Jondit ?
Nd. Jondit : Lang teman, ise pe labo kusinggung.., aku nge ningku..
Nd. Kurak : Nande Tampah lakuidah reh sekalenda e..
Nd. Goran : Kolektena lima ribu dua ratus rupiah Nande Gorti….
Nande Tampah rani kuakap cimun na ….
Payo nge, utangna pe lit denga bas aku langa galarina..
Kutiga pagi ma minter kari galarina….
Nd. Kurak : Sekolah ah pe kugalari nge rusur uang sekolah anak naaah..
Mekuah nge min ate, em adi dilaki la erluhu…
Mate nadingken utang, erta keri.. ndatkenca anak… Ko.. ale..
Nd. Roki : Bapa Kurak ah gia la kin bage nge perasatna..
Nd. Kurak : Ue, bedana ia langa mate, e ngenca. Aku pe perbahan lit nge
man alonken tiap bulan ibas pemerintah enda nari, lang gawat
nge.
Nd. Lukut : Lang kin gia, adi nguda denga bagah, kai kin pe maka la erjabu
Ia mulihi, adi ngena nge ate Bapa Korting ah ia, ma lalah ia
sekalak encariken si lalit e. Enda utangi jah, bayari jenda.
Nd. Goran : Bage kin, Bapa Korting seh kel ngenana atena Nd. Tampah ah…
Nd. Kurak : Lang kin pe kalak e sanga nguda denga pernah kuakap erteman-
teman ma ?
Nd. Lukut : Adi kerna si ena, aku kueteh kerina, makana ndelis pe Nande
Korting marenda erkiteken jadina atena Bapa Korting ah man
Nande Tampah ah nge ..
Nd. Gorti : E denga kel kita dung PA Moria, enggo ka kita cikurak nake..
Nd. Goran : Labo e cikurak Nande Gorti, kata tuhu nge sikataken kita e.
Adi lalit bage tah uga, enda si payo kap kataken kita e..
Nd. Kurak : Bage kin Nande Gorti, perbahan kuahna nge ateta Nande Tampah
ah, em kap tandana kita erdiate e, labo ncikurakken gelarna e…
Nd. Gorti : Cikurak entah lang, sicakapken kerna kalak sideban…
Nd. Lukut : Nande Tampah ah bas tukang perabot ah pe lit utangna..
Mekuah ate Uda Aswan ah ndai, kemana Nande Tampa nina rusur
Nd. Goran : Ban nggo kataken kena e nge, lang bas aku pe she kel lalana
utangna. Emaka lanai bo dat ia mindo kai pe nina.
Nd. Gorti : Labo bage nake, isekin jelma lit atena rutang…
Nd. Lukut : Adi nina kalak e Konglomerat ah perutang-utang nge kerina..
Nd. Gorti : Maksudku kita enda, ma labo ateta kita rutang, tapi uga ban
Adi bage ngenca bancina…
Nd. Jondit : Aku leben mulih Nande Gorti, enggo mbages berngi e…
Nd. Gorti : E.. ue Eda, mejuah-juah (sisalamen).
Nd. Kurak : Ue yah…, enggo lit contoh, aku pe mulih ya…
Nd. Gorti : Mejuah-juah, bujur… bujur… bujur… bujur… (salamen).
Scene 3
(teridah ka jabu Nd. Tampah kundul ia ras anakna).
Nd. Gupak : (reh ku jabu enda janah merawa).
E bagenda nge Beru Muli, adina enggo mate Bapa Tampah
marenda, ula nai cameti juma ah ndai. Adi banci kerina cimun mu
ah ndai perani, gelah banci jumai Si Gopal ah.
Nd. Tampah : Adi lanai banci perjumai kami, kuja nari kami erjuma bibi…
Nd. Gupak : Kuja kuja nim, adi sewana pe labo berekenmu…
Nd. Tampah : Nggeluh denga pe Bapa Tampah e kap perjumai kami, janah
Nina juma em sikerajangen kami
Nd. Gupak : Pangna kena erban-ban jangna, langa aku mate ya…
Pokokna lanai banci perjumaiko juma e ndai..
Adi la atem kututupen ah…
Nd. Tampah : La kin kempundu nge si Tampah e Bibi…
Nd. Gupak : Kempu, kempu nim, ma erjabu ka nge atem ras Bapa Korting ah
Nd. Tampah : Ula kel kam bage ya Bi…
Nd. Gupak : Ue yah, pokokna lanai banci, jenaa ko..
Nd. Tampah : Huu… uuuu.. nghhuuu… huiii
(Ngandung Nd. Tampah ilebe-lebe anakna).
Tampah : Enggo me nande, sakit ka kam kari nande…
Aswan Cani : Halo…, halo…., Bu Tampah ada ya….
(Lalit singaloi).
Aswan Cani : Haloo…Bu Tampah di rumah ya…..
Tampah : Ada Pak, kenapa..?
Aswan Cani : Mana ibunya ?
Tampah : Kam nina nande.
Nd. Tampah : (Lapna iluhna, amin gia teridah denga megara matana).
Eh… Uda, gimana da…
Aswan Cani : Gimana bu angsurannya, udah bolak-balik awak kesini,
Katanya baru jual mentimun ya…
Nd. Tampah : Ya, tapi nggak seberapa.
Aswan Cani : Gimana ni…, udah empat bulan lho buk…
Nd. Tampah : Aku bayar satu bulan dulu ya..
Aswan Cani : Jangan dong buk, tiga bulan boleh lah…
Nd. Tampah : Benar Uda, bulan depan aku kasih kurangnya.
Aswan cani : Jangan bu.., nanti susah akunya…
Nd. Tampah : Kalau begitu bagaimana kalau barangnya kukembaliin,
Aswan Cani : Tetap aja buk..
Nd. Tampah : Kalau begitu inilah..
Aswan Cani : (Catat catat di bukunya sambil terima uang). Terimakasih.
Tampah : Uang sekolah ku ndai Nande ija ka pagi sibuat…
Nd. Tampah : Lanai kueteh anakku, bulan si reh nindu.
Tampah : Aku lanai bo pang nande, lalap bulan si reh ningen
Nd. Tampah : Bagem lebe anakku, uga sibahan.
Tampah : Lang ngadi saja lebe aku nande, enggo pagi lit senta sekolah ka
aku mulihken, labo dalih adi bage ngenca bancina. Gelah banci
kam kusampati ku juma, ngemo-ngemo pe juma kalak e labo
dalih nande.
Nd. Tampah : Ula kam ngadi anakku, sayang nandena…
Nd. Goran : Rumah kang kam Nande Tampah ?
Nd. Tampah : Rumah nande Goran, mari kurumahken …
Nd. Goran : La kuidah kam reh nderbihnai Moria…
Nd. Tampah : Melawen kel aku mulih juma nari teman
Nd. Goran : Kutiga cimunndu ningkalak, bage kin…?
Nd. Tampah : Bage nande Goran, labo melala…
Nd. Goran : Gelah ingetndu ateku, utang Bapa Tampah marenda lit denga..
Nd. Tampah : Kuinget nge nande Goran, sabar kam lebe nak teman..
Nderbih denga aloken sitik, mis ka nge keri….
Nd. Goran : Aku dehkam, adi ndekah-ndekahsa kin lalap lagalari kena,
Banci ka kari sirang perkade-kadenta. Emaka rukur kam.
Nd. Tampah : Ula kin mis bage teman, sabar kam, mis kari kugalari.
Nd. Goran : Labo terban lalap sabar, sabar e pe lit nge batasna.
Adi bage TV ndu e kuangkat, galarindu pagi kuulihken.
Nd. Tampah : angkat teman adi bage kin akapndu mehuli.
Nd. Goran : (angkatna TV ndai, janah ndarat ia).
Bagem dage lebe ya, kubabab lebe TV enda.
Ee… ula kam lupa, Moria minggu si reh rumah Nd. Jondit.
Nd. Tampah : Ue teman ya…, bujur ya…
Pertoton : O Tuhan, ula tembehi dingen ula salahi aku ! Ula ukum aku alu pernembehNdu ! O Tuhan enggo latih kel kuakap, mekuah min ateNdu kempak aku. O Tuhan asakai nari dekahna maka isampati Kam aku ? Mari Tuhan, kelini aku, pulahilah aku, perban keleng ateNdu. Latih kel kuakap ibas kelsehen tiap-tiap berngi. Lembab ingan ku medem iban tangisku. Bantalku litap perban iluhku. Rasa lalap kin ?
Scene 4
Bp. Kurak : Kai ka maka kimbangi kam amak e sendah e ?
Nd. Kurak : Rumahta enda sendah PJJ.
Bp. Kurak : PJJ ? Uga maka la kam ngata ?
Nd. Kurak : Kataken ras la kataken labo kam pernah nggit ikut ateku..
Bp. Kurak : Adi bage la banci ban PJJ sendah jenda.
Nd. Kurak : Ula bage Pak, enggo ka jenda ningen..
Bp. Kurak : Pokokna la banci, darami ingan kena pulung. (Lawes ndarat).
(Bp. Gorti ras Nd. Gorti reh guna PJJ)
Bp. Gorti : Ee.. mejuah-juah Bapa Kurak, kuja nge atendu e, rumahndu kap sendah
Perpulungen jabu-jabunta…
Bp. Kurak : Ula je bahan kena adi la ate kena gejek kuta enda.
Bp. Gorti : Uga kin e Bapa Kurak ?
Bp. Kurak : Uga atendu bage, pokokna la banci. (lawes ndarat).
Nd. Kurak : Adi la banci nina la pedah paksaken Diaken, daripada gejek.
Bp. Gorti : Rumah ah siban yah.. (reh nande Tampah).
Nd. Tampah : Kai e nake.. maka pedas naring kuidah Bp. Kurak ah erdalan ?
Nd. Gorti : La berena jenda ban PJJ nande Tampah..
Nd. Tampah : Adi bage rumah ah siban, labo dalih.
Nd. Kurak : E maaf ya nake…. Uga ban dilaki pe la bagi dilaki kalak.
(anggota perpulungen si deban reh)
Bp. Gorti : PJJnta sipindahken kurumah Nd. Tampah nake.
Nd. Goran : Uga maka bage ?
Nd. Gorti : Lanai bo man sungkunen, eta dage ku jah…
Scene 5
Nd. Tampah : Kuturiken sitik penggejapenku kerna bahan PJJ nta ibas berngi si sendah
enda. Maka sieteh ras-ras, kenca Bapa Tampah idilo Dibata, mbelang kel
jine tadingkenna utang si man galaren, amin la gia teh kami utang kai
sibahanna e. Tapi sada prinsip si lit ku jemak selama enda emekap tek
aku maka la ipediat Dibata anakNa italuken kuasa doni enda.
Simehergana man kami emekap pepulung erta isurga, sebab erta doni
enda banci ipan nget-nget, tembesin janah banci itangko pinangko. Tapi
erta isurga labanci ipan nget-nget, tembesin dingen tangko pinangko.
Sebab ija ertandu iej ukurndu nina ibas Matius 6 : 21, emaka erkiteken
ertaku isurga, emaka kusurga e lalap ukurku. Janah sada jaminen
sibereken Dibata, bagi sitersurat ibas kitab Matius 28 : 20b, nina Janah
Ingetlah ! Aku tetap kap ras kam she ku kedungen jaman. Emaka malem
kel ateku nggeluhken geluhku gundari aminna gia secara ukuren doni
kami mesera, tapi bapangku sinisurga bayak kap. I doni enda gundari
lanai lit juma siman cameten, erkiteken enggo ibuat bibi, utang mbelang,
janah lanai kami banci nonton TV, tapi isurga pagi ndauh kel hebaten
siman dedahen asa TV enda….
Nd. Goran : Enggo me Nande Tampah, ula pedah terusken pengejapenndu e.
Megogo kuakap megikenca. Aku kuakap sini katakenndu e.
Padahal TV ndu ndai pe labo man kadengku pe. Em erkiteken egoisku
saja rusur kubaba. Enda situhuna la rusur sisadari. Pagi mis kutaruhken
TV-ndu ndai, Janah ibas perpulungen enda kuakuken, amin la gia je Bp.
Goran kerina utang Bp. Tampah enggo me. Kai kam perlu kupudi wari
enda ngata kam, ula kam mbiar-mbiar.
Nd. Tampah : Lang nande Goran, erjanji aku maka kugalari nge pagi kerina utang-
utang Bapa Tampah. Sebab tek aku Dibata labo iberena ipermelaken
anak-anakNa.
Nd. Goran : Tuhu nande Tampah, enda ibas ukurku simbages na nari kel.
Selama enda sen saja ngenca ibas ukurku. Amin gia ras kita pulung
Rusur PJJ, Moria, gereja, tapi kalak sideban nge kuakap kerina.
Sipenting sura-surangku erdalan, labo kunehen uga kondisi kalak.
Adi minjam nina, pasti enggo lit uang masuk arah bungana ateku.
Nd. Tampah : Penggejapenku ndai labo lit kusinggung ise pe Nande Goran, enda murni
kel penggejapenku. Emaka labo lit maksudku arah e gelah terpukul kalak
sideban.
Nd. Goran : Tuhu Nande Tampah, tapi penggejapenndu e me sinyadarken aku ibas
Tingkah lakuku selama enda. Emaka ibas jabundu enda ka me dua wari
si lepas ku angkat TV-ndu. Rukur aku, jelma kin aku e ateku… emaka
ijenda ka me kuakap ibas berngi enda aku reh mindo maaf man bandu.
(dahina nande Tampah, janah dakepna, janah ngandung ia)
Nd. Goran : Ula kel tama-tama ukurndu ya teman..kepeken dua kel ngenca pilihen
ibereken dibata. Kuja kin kita ku kawes entah kemuhun, labo lit tengah-
tengah. Labo lit sada budak dua tuanna, adi tuanta Dibata sitandai kita
arah anakNa Yesus Kristus, emaka Ia lah sibahan jadi ikutenta kerina
ibas geluhta maka atan kita kubas inganna si mbas si enggo ijanjikenna e.
Nd. Lukut : Aru ka pe ateku ngidah keadaan enda. Aku pe selama enda labo kueteh
kel uga situhuna keadaanndu nande Tampah. Erdiate ninta rusur.
Samping rumahta e pe lanai bo siperdiateken ….
Nd. Roki : Bage kin nake, aku pe lit nge perbagidina.
Nd. Jondit : Kerina nge kita hampir bage, saja aku cekurak kena rusur lakucampuri.
Nd. Kurak : Adi kuakap perban lit nge lagunta ula kel subuki si jahat alu sijahat nina
emaka kuakap ras kita lebe ngendeken lagu e.
Rende : Ula Subuki si Jahat alu si jahat
Bp. Gorti : Jadi kuakap, enda labo secara kebetulen bage-bage saja. Tentuna tek kita
maka Dibata nge kerina singatursa. Emaka man kita kerina mari sibuat
enda menjadi sada pelajaren simeherga guna banci tuhu-tuhu
sipraktekken ibas perpulungenta, gelah tuhu-tuhulah kita erdiate
nandangi temanta, terlebih kita sisada kiniteken. Sibenaken ibas jabunta
nari, emaka ku jelma sienterem. Alu bage kita jadi ajar-ajar tuhan
sierdiate.
Bp. Kurak : Enggo dung nake ?
Bp. Gorti : Kentisik nari silih, mari kubasken.
Nd. Tampah : Kundulken turangku…
Bp. Kurak : Ue turangku…, Reeeemmmmpet kel aku ndai mbiar kenca kupelawes
kena rumah ah ndai nari. La kueteh kai aku mbiar e, tapi mbiar aku
lalap. Erkai pe lakuakap tenang. Lit pe lalap jokerndu ndai bas warung
ah, lalap kuakap la tenang. Erleng kap ndai aku e. Emaka kuputusken reh
kujenda. Seh ingan enda minter kel kuakap tenang, janah bene
kebiarenku. La kuangka kai kin e…
Bp. Gorti : Adi bage endam kuakap pendilo Tuhan man bandu.
Bp. Kurak : Rencanaku pe bagenge situhuna silih, tapi selama enda lalit sindilo aku.
Emaka ijenda kuakap situasi si pas kel, emaka mindo maaf aku man kam
kerina, ija akapndu salahku. Bagepe man bandu Nande Kurak, ngaku aku
salah, janah sendah nari kupudi wari tutus ateku nggeluh ras erDibata.
Bp. Gorti : Jadi bagem kuakap, enggo ndai sisaksiken drama enda…
Marilah sibuat hikmahna, enggo kari nggedangsa. Bujur ras mejuah-juah
Kita kerina. Sekali nari bujur……
Bj. Menteng, 14 Oktober 2003.
Drama Natal GBKP Runggun Bekasi, 24/12/2003.
Comments