Julianus P Limbeng

DOKTOR LALANG Pt. Julianus P Limbeng “Eakh, jadi kai nge untungna man bandu adi bualindu kalak?” ningku man doktor e. “Ih, puas kin kuakap adi banci ia kutokohi, sebab aku kai pe labo lit sekolahku, kutokohi akapndu kalak si sekolahna meganjang, e…, dah kam talu nge ia ku ban….”, nina Doktor Lalang. Situhuna bagi katana ndai, ia situhuna labo sekalak dokter si erdahin bas rumah sakit entahpe doctor si meganjang sekolahna. Dahinna ngemo-ngemo ku juma kalak. Ertemanken cangkul cap buaya, iembakna me rusur juma kalak gelah tanehna jadi mehumur. Erkiteken rih [alang-alang] rusur man embakenna alu cangku, emaka ban anak kuta gelarna Doktor Lalang, entah pe Doktor Rih. Erkiteken lanai turah rih e asal embakkenna cangkulna e, maka tangkel me gelar e man bana. Memang bas kuta e kai saja pe banci tangkel gelar kalak. Lit dahinna erbahan keranjang, emaka tangkel gelarna Pa Keranjang. Lit ka gelarna Kuasa, tangkel gelarna Kuasa Iblis. Erkiteken pendahinna sekali pe la jore, emaka tangkel ka gelar...

KEBAKTIAN ALTERNATIF Pt. Julianus P Limbeng, S.Sn., M.Si * Bena Kata Ibas jaman si gundari penggunaan kata alternatif tuhu-tuhu mbue siidah berkembang ibas masyarakat. Lit pengobaten alternatif, musik alternatif, jalur alternatif, makanan alternatif, permainan alternatif, ras sidebanna. Mbue denga kata-kata berimbuhan ‘alternatif’. Kata alternatif nuduhken sada situasi, aksi, pelaksanaan sada dahin, ras sidebanna si la bagi aturen konvensional entahpe la bagi biasana si enggo lit ilakoken si banci merupaken sada pilihen. Hal sibagenda rupana tentuna nuduhken maka lit perbedaan-perbedaan bagi ibas sisi konseptual, bentuk, ukuren, nanam, selera, pengangkan entahpe pemaknaan, bagepe sisi pelaksanaan ras persyaraten-persyaraten sidebanna. Litna kata alternatif e sendiri tentuna menyangkut pe kubas cara ras metode uga sekalak-sekalak ngangkai sada-sada hal sesuai ras latar belakangna sierbage-bage guna memutusken untuk memilih. Lebih mbages ka pe tentuna ije sadar entahpe la sad...

PENGULU LAU LIMPEK Karya : Pt. J.P. Limbeng Sinopsis : Drama enda menceritaken kerna sekalak pengulu singuda denga, entahpe anak perana denga, janah agak ngulah sitik. Ia iangkat jadi Pengulu nggantiken orang tuana erkiteken orang tuana enggo leben dilo Dibata, erkiteken sakit kolera. Ibas kengudanna e, tentuna ia membutuhken bimbingen, eme bengkilana. Janah bagepe perempona pe man aturenken, sebab perlu lit kemberahenna. Amin gia si Lombit sebagai Pengulu nguda, janah kurang pemetehna erkiteken otakna kurang kencer, tapi erkiteken pengarak-ngarak Dibata, maka kepemimpinenna erdalan alu mehuli. La kepe gegeh manusia sierbahan, tapi bekas penjujuri Dibata. Drama enda ikemas alu penuh humor, tapi pe penekanen theologiana iusahaken kental. Drama enda tentuna fiksi saja sifatna, entah pe lit seri gelar ibas drama enda, tentuna secara kebetulen saja, janah labo lit sitik pe maksud-maksud tertentu. Scene 1 Pa Raja Ngaku (Idatas panggung teridah Bengkila Lombit ras Bibina alu rukur janahn...

TERKEJUT DAN FUNGSINYA PADA MASYARAKAT KARO Yulianus Liem Beng Seseorang yang mempunyai penyakit hipertensi dan jantung biasanya menghindari keadaan terkejut, baik terkejut datangnya dari suara yang keras secara tiba-tiba maupun berita-berita yang dapat menimbulkan detak jantungnya berpacu tak menentu, karena hal itu bisa membawa dampak yang kurang menguntungkan bagi keberadaan jiwanya. Tetapi bagi satu kelompok masyarakat di Sumatera Utara, yaitu suku bangsa Karo keadaan 'terkejut' malah mempunyai fungsi yang besar sekali hubungannya dengan prokreasi (melanjutkan keturunan). Keadaan terkejut sengaja diciptakan untuk menghasilkan sebuah proses yang dipercayai dapat membawa dampak yang baik bagi pasangan suami istri (pasutri) yang belum memperoleh keturunan (baca: belum punya anak), maupun bagi sebuah keluarga yang belum mempunyai anak yang berjenis kelamin laki-laki. Mendapatkan anak bagi masyarakat Batak pada umumnya adalah suatu hal yang amat penting. Walaupun dengan perkemba...

S I - C A K A P - K E N Karya : Pt. Julianus P Limbeng Sinopsis : Drama enda nggambarken uga sada sidang si kaku ras la ngidah urgensi penyelesaian masalah erpalasken prirotas. Drama enda amin gia ikemas dalam bentuk humor, tapi kritiken-kritiken uga gerejanta ersidang guna mbahas sada-sada masalah sangat kental, janah enda merupaken pertentangen antara ideal ras aktual guna nehken kekelengen sapih-sapih manusia, terlebih sisada kiniteken ibas Tuhan. Drama enda sifatna fiksi saja, janah entah lit pernah terjadi, gelar si seri ras sidebanna, hanya bersifat kebetulen saja.Erkiteken formatna rapat, emaka drama enda sada babak saja ngenca. Casting : Pa Nderkem : Sekalak Pertua, sebagai Ketua Runggun ibas gereja. Jelmana tenang. Pa Lepot : Sekalak Pertua, Sekretaris Runggun, lincah, tapi pengeranana bagi diberu. Pdt. Bujur : PKPW Runggun, sekalak Diberu, tapi la kai pe ban Runggun jabatenna. Pa Botoh : Seksi PWG. Nggit rusur nuriken masalah ras ngantuk-ngantuki...

BUBUR SUM-SUM Pt. Julianus P Limbeng Mberat kel takalku medak erpagi-pagi ndai. Amin gia tiap pagi aku medak pukul setengah lima, tapi sendah pukul pitu pe mekisat denga kel aku medak. Emaka janahku medem saja aku ertoto ngataken bujur man Tuhan erkiteken enggo temanina aku segedang berngi. Memang enggo seminggu enda mesunah kel aku merawa. Kai saja pe kupersoalken. Ku gereja pe aku, gelah enggo ku gereja saja, gelah idah kalak aku ku gereja saja. Salah sitik pe anakku minter ku sergang. Ngerana pe kalak dua-dua janahna tawa, aku kuakap cakapkenna. Bagepe adi salip kalak kenca aku bas dalan, minter kel melas pinggelku. Sensitif berat…. Dua wari si lewat, sanga aku mulih kantor nari reh ka kel emosiku. Erkiteken lit demo wari buruh ilebe-lebe gedung DPR, dalan tol harus itutup. Emaka ialihken me ku dalan si deban si seh kel macetna. Adi biasana paling lambat dua jam enggo seh rumah, enda empat jam pe langa seh. Enggo ka tedis erkiteken lalit ingan kundul, huana pe tuhu-tuhu melas. Padah...

PADUAN SUARA GEREJA (Bagian I) Pt. Julianus P Limbeng (Seksi Musik dan Paduan Suara GBKP Klasis Jakarta-Bandung) Bena Kata Adi sinen piga-piga paduan suara si lit ibas gereja GBKP, rata-rata lalit sitahan ndekah. Bagepe arah segi jumlah reh dekahna reh sitikna anggotana. Adi menaken lit anggotana 100 kalak, dungna tading 10 kalak, seh pe bubar. Bagepe paduan suara enda teridah tupung wari-wari penting gerejawi saja, misalna wari natal, paskah, pentahbisen gereja, bagepe entah lit festival paduan suara. Lit kecenderungen sifatna temporer. Engkai maka bage ? Enda tentuna lit piga-piga hal si jadi maslahna. Masalah e la hanya ibas anggota paduan suara e nari, tapi lit kaitenna ras pemimpin paduan suara e sendiri. Erkiteken paduan suara e menyangkut hubungen manusia ras manusia ibas kelompok rende muji Tuhan. Lit ije faktor-faktor sideban sierbahanca megati paduan suara e la ndekah nggeluh entah pe temporer saja sifatna. Faktor-faktor e emekap, (--amin gia enda sebagai asumsi entahpe hip...