10 November 2008

Drama Natal: NIPI TULDAK

Karya: Pt. Julianus P Limbeng

Idatas panggung teridah properti warung isi ulang. Merek warung WARUNG SINIMAI KAM. Ije teridah Pa Bayak, sekalak perbinaga sangana ngelap-ngelap janah nikapken binagana anahna ngendeken lagu “Ula Cidadap”.

Ula cidadap, ula cidadap, adi mate lampu e
Terdadap kari, terdadap kari kudin belanga
Ula cidadap, ula cidadap, adi mate lampu e
Terdadap kari, terdadap kari si la man dadapen..

Pa Bayak
Eakh, go sikap kerina. Ei sendah, tutuslah ateku erbinaga, ciremlah aku, ula berjut-berjut, bagenda kari kuban senyumku adi reh kenca si nukur. (Senyum ia sekalak), Eh.. ma mantap. Enda lang.., berjut rusur. Lang kin pe ayo labo bagi ayo kalak, berjut ka, ma biaren pe kalak e. Adi erbinaga arus kin bage. Endo kupraktekken lebe yah, gelah reh kari sinukur enggo sikap kel kuban. (Aturna dirina erbinaga).

“Adi kalak Sunda si reh bagenda ningku: Silakan neng.., mau beli apa.., oh ya, silakan.. jangan segan-segan... kami memberikan yang terbaik buat anda... matur nuhun sadayana..... E.., adi kalak Madura si reh bagenda ka kari ningku: Ri mari bu.., kan seilakkan sa iyek, semuanya gus baggus... harganya rah murah lah iek.., terimakasih, nyak banyak... Adi kalak Jawa si nukur bagenda ka kari ningku: Nuwun Sewu mbak, mau beli opo..., silakan..., sampun... terimakasih... Adi kalak Padang sinukur bagenda ka kari ningku: Silakan Uda, Ambo layani apa pun permintaannya, kalau anda puas tolong bilangin ke teman-temannya, tapi kalau anda kurang puas, beritahu kepada kami... Oke... terimkasih ya... selamat pagi. Adi kalak Karo sinukur, mejuah-juah turang... kai atendu.... Oo.. adi siena adi man kalak Sepuluh Ribu, adi man bandu siwah ribu saja pe labo dalih... adi bage ningku uga pe puas kel pagi ia, sebab turunken regana ningen e sedap kin akapna, amin gia enggo naikken lebe.., bujur turang... mejuah-juah makesa.... Ekah ah, adi enggo bage kuban kari ngelayani si nukur e, lanai bo banci la sukses binaga e. Enda lang, tawar kalak kenca sitik binagata e minter kin nergangi, ija nge kalak reh...

Mulai sendah kupraktekken menda. Eh... adi bage ningen ma sikap nari nge akap kalak e. La kin pe ndai sikapsa akapna warung enda, tapi puas akapna pengalo-ngalonta. Ma reh denga nge ia pagi. Emaka rapi, adi banci lepet ban buk e, tama ka sitik minak kikikna, tambah ka senyum manis menggoda. Enda lang, buk epe dekahen jurgal, gumis epe enggo ertupang, tambah ka bauna pe menam bagi bau bengkik... ma deh kam lit nge perkisatna kalak reh. Emaka kucubaken menda sekali enda merubah penampilen. Sebab adi la bage, lanai bo enda tertahan. Sebab Krisis Global nina ka rusur bas tivi ah.... Global pe nina e labo kap kueteh. Lang kin pe adi mehuli pengelayaninta kalak e, epe salah sada bentuk Kesaksin nge, terlebih tahun si reh Tahun Diakonia. Ma je maka teridah bedana kita kalak Kristen, enda lang.. ban kita ka nge kari maka ceda pe gelar kalak Kristen si belang-belang.. Emaka adi biasana aku nggit denga nikam togel, mulai sendah kuusahaken kel lang, pala entah uga ka kin kari...

Ula cidadap, ula cidadap.. (senyum ka ia sekalak, seolah-olah lit kalak si nukur). Ih..., ugakin maka laguku pe cidadap ndai nari la kugejap.. Cidadap.. cidadap.. cidadap...
Ena-ena, ma dahko kari, tading kang..... (reh sekalak sinukur)

Ito
Alle Ito.., kemarin aku beli garam disini, tetapi garamnya ko tidak assin, sudah hampir sebungkus kumasukkan ke sayur, tapi ko tidak assin-assin pikirku, garam apanya kemarin ito berikan itu, begitu enaknya biasanya masakanku, ikan emas arsik yang ku buat pun sampe-sampe laenya tidak mau makan, katanya tidak enak.. pahit katanya ito..(alu logat khas Batak Toba).

Pa Bayak
Waduh ito, bagaimana garam kok tidak assin, kalau pahit kata lae itu, berarti lidah ito kali yang sudah mekapal, sehingga tak terasa asin lagi. Itu garam asli dari Madura, berjodium lagi, harganya juga spesial buat ito.. kalau sama orang seribu, sama ito seribu lima ratus.. eh terbalik, lima ratus maksud saya Ito..

Ito
Haa, gimana sih ito ini, betul, tidak bohong aku, masa lidahku tebal.. pokoknya aku minta ganti la..

Pa Bayak
Begini Ito, kalau kesalahan di pihak kami, biasanya saya bertanggung jawab seratus persen. Ha.. itu lah kalau kami ini orang Kristen, tapi kalau kesalahan di pihak Ito, kami tidak tanggung. Kecuali kalau ada hari-hari tertentu kami berdiakonia, tidak bayar, alias gratis pun tidak apa... ha begitu dia.

Ito
Ya udah, terserah itolah, kalau mau ganti puji Tuhan, kalau tidak juga tak apa-apa..

Pa Bayak
Ya, begitulah Ito, aku sarankan coba aja periksakan lidah ito ke Dokter. Mana tau lidah ito sudah sega alias rusak. Kalau masalah garam, terus terang garam kita asli ini....

Ito
Oke lah ito, kalau begitu tolong nanti kirim gas 1 tabung dan isi ulang 2 galon ya.., ditunggun ya To (Nande Bayak sangana mehuli kulana naik ke panggung mbaba rantang)

Pa Bayak
Baiklah Ito, terimakasih, akan kita kirim secepatnya, semoga layanan kami memuaskan anda, selamat pagi dan Tuhan berkati... Horas... mauliate godang tu hita saluhutna... salam tu lae... da..

Ito
Tapi ngomong-ngomong, nomor berapa nanti kita pasang Ito..?
Ada mimpi enggak?

Bapa Bayak
Waduh Ito, mulai sekarang saya udah gak togel lagi To.. sori ya...

Ito
Oke deh ito, ditunggu ya...

Nande Bayak
Iiih..ii...ih...., ramahna kel kam e Pa Bayak... Ditunggu nina ka.. Adi man diberu sideban, beluh nge kam ercakap mejile, apai ka adi la aku je... adi man bangku la kel sekali pe pernah kubegi rananndu mehuli..

Pa Bayak
Ula kin mis kam curiga nande Bayak, mehuli kuban man sinukur e, eme tandana pelayanen prima, adi puas pelanggan e, kuja pe kita daramina pagi lalap, ise si untung? Ma kita..
Ise siterpuji? Ma gelar Dibata, Oh, em tuhu adi kalak Kristen nina kalak..

Nande Bayak
Oh, lain ka kuidah sekalenda pengerananndu. Asa pengingetku Bapa Bayak, sanga kita erteman-teman denga marenda, sanga cikepndu jari manisku teruh batang buluh Tionghoa, manis kel cakapndu man bangku, kenca enggo tubuh si bayak, jumpa das lalap cakapta. Entah lanai kin bo ngena atendu nangdangi aku, ateku bapa Bayak, Maka la berendu pe kepeken aku ku warung, erkiteken ertogel nge kam tiap wari.. Janjian ka ndai kam ras Inang ah ndai..

Pa Bayak
Iok.. oh.. nande Bayak, ndauhsa kel kap pengukurindu e. Lanai atendu ngena nindu, adi labo ngena ateku kam, ma labo banci lima enggo anakta nande Bayak, rukur gelah kam e.. lima... peenemken me.. adi diberu denga nge pagi si reh, mungkin pitu nge pe, adi la ka waluhh.. enam..

Nande Bayak
Mehulisa kel kuakap pengeranandu man Inang ah ndai ateku, perbajundu pe enggo lain, emaka bukndu enggo erminak, lepeee, ija nge aku la curiga, saja curiga pe aku situhuna ban kelengna nge ateku nandangi kam ma Tigan...

Pa Bayak
Enggo, uga kin pengidahndu aku selama enda, ma la urak ateku keleng e?

Nande Bayak
Kueteh nge kam erjudi togel, tapi adi e kin erbahansa kam sehat, jem ateku. Emaka rempetsa kel kuidah berubah pengeranndu ena Bapa Bayak, man diberu ka.. ma curiga lah aku, biasana kurang sedap nge bau dagingndu, gundari enggo erminak kikik kam kuidah..

Pa Bayak
Je kap teridah gunana ikut Mamre ndai nande Bayak.. Lit perubahen..
Menarik kel kuakap bahasenna mamre kami si lewat. Kena kel kuakap man bangku.
Emaka kuakap dehkam .. erkadiola kel nge si la ikut Mamre e.. Nakan pertendin pe dat, nakan kula daging pe dat. Snack maksudku...

Nande Bayak
Adi bage kin, Puji Tuhan. Enda dage sarapenndu yahh.. enta kurumah aku lebe..

Pa Bayak
Ue nande bayak iah, tau dage kurumahken, jagai dirindu, totoken maka mbue lako binaganta, gelah mbue untungna, gelah banci kari sitamaken persembahenta ku gereja... To dage ya..
(nangkih ku panggung Pa Ramal, ersora HP-na, laguna lagu Mbaba Kampil, endekkenna ka kentisik ope angkatna)

Pa Ramal
Hallo..., warung Pa Bayak.., ue.. ue.., adi kuakap dua ras lima... lang Pal.., bas aku telu ras pitu e la masuk e, adi bas aku dua ras lima... pasangenna kin e.. adi nderbih banci... egia bas kam la kueteh ya.. adi bas aku dua ras lima.. bage.. bage... menci kap e.. Ah.. Pa Lagan labo man beginken, sekali pe labo pernah kena nomorna.. ue.. ue .. jamin e pal, jitu dua angkana, adi telu angkana atendu cari kawanlah.. banci kari kusungkun Pa Bayak.. tah lit angkana.. ue pal...ue.. ue .

Pa Bayak
Ii... e lang Pa Ramal, ula nai sungkunndu aku. Aku lalit angkaku. Titik.
(Ersora ka HP Pa Ramal mulihken, endekkenna ka lebe maka angkatna)

Pa Ramal
Hallo... Pa Ramal speaking here... Oh... kam e Pa Bakut... dua ras lima... adi kuakap angka pitu ras telu mate, labo banci ndarat e.. adi bas aku dua ras lima.. ue... cari kawan...
Pitu la banci.. lang.. yakin Pa Bakut..., adi duang angkana na e enggo pasti.
Katawari pe pagi lanai bo lit terjitun asa e.. ue... ue... adi waluh telu angkana banci jadi,
Tapi telu ula pasangndu ya... ue yah... bujur yah...

Piga angkandu Pa Bayak?

Pa Bayak
Aku lanai Pa Ramal, lanai bo lit ertina e, namaken sen ku embang pasiung ah ngenca perasatta e
(Ersora ka HP Pa Ramal..)

Pa Ramal
Enda maka nake, ertogel ngenca dahin, tapi sora Hape e sibuken asa direktur...
Hallo.., jam sada tutup? Ban kai...?
Ooo. Lit sendah razia... oke yah.. kentisik nari ku sms nomorku...

Lit nderbinai nipindu Pa Bayak? Tah angka piga kam nari..?

Pa Bayak
Selama enda nipi-nipin nge kita e, ernipi aku gelah kena min lotreku, ernipi aku gelah kena togelku. Ngarap-ngarapken si la pasti, dungna aku pe jadi pamalas, janah ngarapken peruntungen alu modal si kitik ras malas-malasen ndatken asil si galang. Sendah enda aku ernipi. Gundari aku ernipi, janah enda me nipiku, eme kegeluhenku si nyata gundari. Enda me nipi tuldak, nipi tuhu-tuhu, eme kegeluhenku situhu-tuhu siidahndu gundari seh kupudi wari enda, ateku ngerembakken diringku ras Tuhan, aku jadi sikerajangen Tuhan, janah nggeluhken geluhku bagi singena ate Tuhan.

Pa Ramal
Serius naring pe kam Pa Bayak, bagi pandita ka kam rempet..

Pa Bayak
Serius Pa Ramal. Sedekah enda kuikuti ka nge PJJ, Mamre pe reh nge aku amin gia la rusursa kel. Entah sanga motong biang e gia aku semangat, tapi kugejapken maka kuperdua Dibata ibas geluhku. Kuban rusur alasenku maka kisat aku reh Mamre, kurang bagedisa, kurang bagodohsa kuakap si anu, sibuk er-proyeklah, la kita kompak ningku, padahal aku pe labo kusiksiki diringku..
Emaka gundari, erwarung gia aku, jadilah aku perwarung Kristen.
Labo jadi pandita naring maka banci aku ngelayani, tapi arah pendahinku enda pe banci lebih terpuji gelar Tuhan. Ma tek nge kam e?

Pa Ramal
Rempetsa kuidah kam berubah haluan e Pa Bayak.. angka ningku, khotbah ka kam la wari minggu

Pa Bayak
Kam pe rukurlah, buen kita pulung warung kopi ah asangken Mamre, PJJ..

Pa Ramal
Lit perbagedina Pa Bayak, adi mbahas togel dehkam, tahan kin aku seh ben.
Tapi adi Mamre ningen , sepuluh menit kin pe minter aku munduk-unduk

Pa Bayak
Tapi Adi Morianta labo lit bage, raaaaajin nge ia kerina, cikurak pe lanai bo.. ija tadingta e?
Uga akapndu Moria? Ma dukungndu nge kami pulung MAMRE?
........................ (waktu interaktif, suara penonton..)
E, dehkam Moria ah pe dukungna nge kita Mamre..

Pa Ramal
Situhuna dehkam, aku lit nge bas ukurku e bagi ukurndu e Pa Bayak.
Tapi adi ertogel ka siidah kerina temanta e, demi pergaulen bagem ikutken ateku.
Emaka masuk kenca SMS pertuanta, enggo me kuakap kemer..

Pa Bayak
Bagi binurung ibas lawit si mangko-angko, masin sekali gia lau lawit e, tapi nanam binurung e meket-ket, mekelito, entabeh. La ikut-ikuten masin. Bagepe arusna kita jadi kalak Karisten nggeluh ibas doni si dem kejahaten enda, ula kita ikut. Tetaplah kita teridah sebage anak-anak Tuhan.

Pa Ramal
Payo nge katandu ena Pa Bayak..

Pa Bayak
Aku teringet kel bahan Mamreta minggu silewat, sayang kel kam la reh. Bagi nina ibas Roma 12: 2 “Janganlah kamu menjadi serupa dengan dunia ini, tetapi berubahlah oleh pembaharuan budimu, sehingga kamu dapat membedakan manakah kehendak Allah: apa yang baik, yang berkenan kepada Allah dan yang sempurna”. Adi iblis kerina sekelewetta, ma labo arus kita ikut jadi iblis?

Nande Bayak
Oh.. tuhu-tuhu berubah kel kam Bapa Bayak.., ndai nari curigaku jalan terus, emaka cebuni nge ndai aku pudi-pudi binagata e..

Pa Ramal
Kuakap ka ndai kam begu Nande Bayak, rempet ka kam mulgap..

Nande Bayak
Banci me kena rukur Pa Ramal, lanai bo gunana kena ernipi kerna si la pasti. Tapi ikutkenlah kai sini kataken Tuhan. Ibas doni enda kai pe lalit si pasti, tapi jannji Tuhan e pasti kap, bagi sini katakenna ibas pustaka si badia. Bagi nina ibas kitab Imamat 20 : 27, maka kalak sibengketi kuasa peramal, entahpe si nggit ngeramal-ngeramal e, pasti iukum mate, ibenteri salu batu dingen darehna ngelitapi dagingna. Pustaka ngatakenca e, rukur kam !!

Pa Bayak
Bage kin pa Ramal, enggo me perlu siperobahi langkahta ngarapken si la pasti. Ula nai min sikuit judi nake.. Marilah ku Yesus, sebab ia ngenca si pasti ingan kita ndatken kemalemen ate bagi tersurat ibas kitab Roma 5:8-9.
“Akan tetapi Allah menunjukkan kasihNya kepada kita, oleh karena kristus telah mati untuk kita, ketika kita masih berdosa. Lebih-lebih, karena kita sekarang telah dibenarkan oleh darah-Nya, kita pasti akan diselamatkan dari murka Allah”.

Nande Bayak
Ena mia Pa Ramal, ngeramal kam kari lalap tapi labo pasti.

Pa Ramal
Adi bage.. payo nge katandu ena Pa Bayak, Nande Bayak...
Jena ko Togelllllll...... Tadingko togelll....
Tadingko si langena ate Tuhan.
(janahna mbenterken kupon togel..Si Ito bengket ku datas panggung, potongen huruf Judi, No!
Emaka bengket si Ito kudas panggung)

Ito
Eh... kenapa ni kupon togel dibuang-buang... serius ni...
Biar kuambil.. kalau kena jangan menyesal ya...
Benar Ito, ternyata lidahku sudah tebal... garam tidak terasa asin lagi
Kalau garam sudah tidak asin lagi.. apakah garam masih berguna ya...??


Bekasi, 9 November 2008.

Bali Bomber execution day..

No comments:

About Me

My photo
Bekasi, Jawa Barat, Indonesia
Etnomusikolog