Paduan Suara Gereja
PADUAN SUARA GEREJA
(Bagian 2)
Pt. Julianus P Limbeng
(Seksi Musik dan Paduan Suara GBKP Klasis Jakarta-Bandung)
KEMAMPUAN PRAKTEK VOKAL
Teknik Erkesah
Sekalak pemimpin paduan suara arus banci nguasai teknik-teknik rende alu payo, eme: cara erkesah (pernapasan), frasering entahpe ija pemenggalen-pemanggalen suku kata si payo sue ras notna, gaya cara rende, lafal entahpe pembelasken (biasa bas musik ikataken diksi fonetik). Sebagai sekalak singajari arusna min banci mbereken contoh si payo.
Erkesah eme sada proses alamiah ibas setiap jelma sini imulai kenca ia tubuh kubas doni seh ia mate (ngadi erkesah). Kapasitas sekalak jelma erkesah tergantung kebutuhen badanna. Kalak tunduh ras kalak kiam tentuna beda carana erkesah, bagepe sangan olah raga. Biasana kalak tunduh erkesah lebih lambat asangken kalak kiam. Bagepe ibas rende iperluken cara erkesah si payo gelah banci ngendeken sada ende-enden mehuli. Ibas paduan suara lit biasana ikelompokken 3 erbage jenis erkesah, eme:
(1) pernafasan bahu, eme pernafasen si terjadi sanga erkesah paru-paru tertekan agak ku datas sitik, emaka bara jadi naik. Cara erkesah sibagenda rupana kurang mejila ibas rende, erkiteken la banci tahan ndekah.
(2) pernafasan tenten (dada), eme cara erkesah tupung nirup udara (angin), angin e lit ibas rongga tenten, akibatna paru-paru jadi lemah adi rusursa narik nafas, emaka kesah si ndarat pe arah igung la stabil.
(3) pernafasan diafragma, eme pernafasen si payo ibas rende, erkiteken ruangen entah pe celah sini isi udara lebih iperluas alu cara mpebelang rongga badan janah diafragma bergerak ku teruh. Cara erkesah sibagenda rupana didukung dengan otot perut ras otot sisi bada. Alu bage maka masuk ras ndaratna kesah banci lebih iatur. Contoh erkesah sibagenda rupana eme: cuba tamaken duana tanta iteruh tulan rang-rang (iga). Emaka cubaken mbatuk. Sanga kita mbatuk lit urat si agak nendang ia ndarat, eme sini ikataken diafragma. Sanga kita erkesah ibas rende, diafragma arus naik turun.
Adi cara erkesahta enggo pas, emaka mempertahanken bagepe melepas udara banci terkontrol alu mehuli. Alu bage ibas kita rende banci si atur tinggi rendah, keras lembutna nada siendeken kita erkiteken idukung kesah si cukup. Emaka isamping si e, ibas kita rende e tentuna arus sieteh ija pemenggalan-pemenggalan suku kata si payo, rikut pe ras melodina. Teks ende-enden biasana ia ibagi ibas dua bagin galang, eme silabis ras melismatis. Silabis ertina sada not sada suku kata, janah melismatis ertina piga-piga not isina sada suku kata saja. Emaka ibas partitur entahpe notasi ende-ende lit biasana tanda-tanda ija kita arus erkesah eme tanda koma idatas (‘) entah pe kenca titik. Tapi pe bage perlu ka nge si analisis kalimat lagu e, gelah ibas tarik nafas ibas pemenggalenna e lit ertina, la tanggung.
Frasering
Nada-nada entahpe melodi jadi kalimat lagu, piga-piga kalimat lagu e adi igabungken jadi sada bagian. Melodi entahpe entahpe kumpulen nada si membentuk sada baris entahpe kalimat ndai me sini ikataken frasering. Bagi kita ercakap-cakap, lit rusur kata-kata e lebih sitekanken antara kata-kata sidebanna. Intonasina pe berbeda tergantung kata-katana. Sibage rupana ka me sini imaksudken ibas kita ngendeken sada lagu.
Tim Pusat Musik Liturgi ngataken, maka nina pemenggalen suku kata labo irama melodi sini menentukenca, tapi si payo eme erti kata ndai. Ula kari sembarangen sipenggal suku kata e tapi labo lit ertina. emaka simehulina ibas pemenggalan kata e lit min ertina, bagepe ku selanjutna untuk kalimat berikutna, ndukung pe ku tarik nafas ndai.
Contoh lagu misalna KEE No. 190:1
O la kel lu pa ken / a ku ‘ / o – Ye sus Tu / han.
A min mbu e kal do/ sa ngku ‘/ma sap kri na / ban.
Ye sus/Ye sus ‘/sam pat a ku /lah.
Bas kam sa ja a ku / pu lah ‘/sam pat a ku / lah.
Suku kata sini cetak tebal (bold) ertina ibereken penekanen, tanda (‘) em pemenggalen kalimat. Pemenggalen kalimat e biasana pengambilan nafas baru. Purdy (1995) ngataken situhuna sipayona kel mengambil nafas arus ibas akhir kalimat lagu, labo i tengah. Bagepe ibas ngendekenca sipayo arus endeken tiap kalimat sebagai sada alur melodi, labo per not. Bagepe Jean Asworth Bartle ngataken bage, eme paduan suara labo iendeken (terpisahken) not per not, entahpe suku kata ku suku kata seterusna, tappi iendeken kalimat lagu secara utuh. Memang teks lagu ras not erat kaitenna. Alu bage maka teknikna gelah banci sesuai teks ras not emaka kaiten teks ras not ndai banci ibahan silabis entah pe melismatis (misalna legato). Alu bage sada alur ia.
Gaya
Gaya (style) eme karakteristik cara nggunaken melodi, ritem, warna suara, dinamik, harmoni, teksture bagepe bentuk. Kerina unsur-unsur si enda me si banci menghasilken sora si berbeda antara lagu. Sebagai contoh, kita banci mbedaken lagu keroncong, dangdut, rock, jazz, klasik ras sidebanna. Lit gaya masing-masing aliren-aliren si datas ndai. Eme gaya. Adi ibas sejarah musik gereja, musik Barat pe lit ciri-ciri rikut pe ras gaya masing-masing periode. Adi musik Barat periodena banci sibagi jadi: Abad pertengahan (450-1450), Jaman Renasisance (1450-1600), Jaman Barok (1600-1750), Jaman Klasik (1750-1820), Jaman Romantik (1820-1900), Abad 20 (1900-1945), tahun 1945 seh gundari. Jadi adi kita ngendeken lagu arus kita mampu menyesuaiken gaya siapai kin sini imaksudken lagu e, gelah cara ngendekenca sesuai ras gaya yang diinginkan penciptana.
Megati kel kita mbegiken paduan suara ibas gereja entahpe konser paduan suara, kata-kata sibelasken paduan suara e kurang jelasna kai sini belaskenna, entahpe huruf vokalna (vowel) saja ngenca banci sibedaken. E ertina artikulasi kata-katana la jelas pembelasken. Situhuna gelah banci lebih mehuli, peran pemimpin paduan suara ndai arus beluh uga mengelolasa kerina. Bagem ibas bagian sipe-2 ken enda, iumputi ka ku bagian sipe-3 ken, eme kerna “Kualifikasi Mbereken Aba-Aba”. Bojong Menteng, 7 September 2006.
(Bagian 2)
Pt. Julianus P Limbeng
(Seksi Musik dan Paduan Suara GBKP Klasis Jakarta-Bandung)
KEMAMPUAN PRAKTEK VOKAL
Teknik Erkesah
Sekalak pemimpin paduan suara arus banci nguasai teknik-teknik rende alu payo, eme: cara erkesah (pernapasan), frasering entahpe ija pemenggalen-pemanggalen suku kata si payo sue ras notna, gaya cara rende, lafal entahpe pembelasken (biasa bas musik ikataken diksi fonetik). Sebagai sekalak singajari arusna min banci mbereken contoh si payo.
Erkesah eme sada proses alamiah ibas setiap jelma sini imulai kenca ia tubuh kubas doni seh ia mate (ngadi erkesah). Kapasitas sekalak jelma erkesah tergantung kebutuhen badanna. Kalak tunduh ras kalak kiam tentuna beda carana erkesah, bagepe sangan olah raga. Biasana kalak tunduh erkesah lebih lambat asangken kalak kiam. Bagepe ibas rende iperluken cara erkesah si payo gelah banci ngendeken sada ende-enden mehuli. Ibas paduan suara lit biasana ikelompokken 3 erbage jenis erkesah, eme:
(1) pernafasan bahu, eme pernafasen si terjadi sanga erkesah paru-paru tertekan agak ku datas sitik, emaka bara jadi naik. Cara erkesah sibagenda rupana kurang mejila ibas rende, erkiteken la banci tahan ndekah.
(2) pernafasan tenten (dada), eme cara erkesah tupung nirup udara (angin), angin e lit ibas rongga tenten, akibatna paru-paru jadi lemah adi rusursa narik nafas, emaka kesah si ndarat pe arah igung la stabil.
(3) pernafasan diafragma, eme pernafasen si payo ibas rende, erkiteken ruangen entah pe celah sini isi udara lebih iperluas alu cara mpebelang rongga badan janah diafragma bergerak ku teruh. Cara erkesah sibagenda rupana didukung dengan otot perut ras otot sisi bada. Alu bage maka masuk ras ndaratna kesah banci lebih iatur. Contoh erkesah sibagenda rupana eme: cuba tamaken duana tanta iteruh tulan rang-rang (iga). Emaka cubaken mbatuk. Sanga kita mbatuk lit urat si agak nendang ia ndarat, eme sini ikataken diafragma. Sanga kita erkesah ibas rende, diafragma arus naik turun.
Adi cara erkesahta enggo pas, emaka mempertahanken bagepe melepas udara banci terkontrol alu mehuli. Alu bage ibas kita rende banci si atur tinggi rendah, keras lembutna nada siendeken kita erkiteken idukung kesah si cukup. Emaka isamping si e, ibas kita rende e tentuna arus sieteh ija pemenggalan-pemenggalan suku kata si payo, rikut pe ras melodina. Teks ende-enden biasana ia ibagi ibas dua bagin galang, eme silabis ras melismatis. Silabis ertina sada not sada suku kata, janah melismatis ertina piga-piga not isina sada suku kata saja. Emaka ibas partitur entahpe notasi ende-ende lit biasana tanda-tanda ija kita arus erkesah eme tanda koma idatas (‘) entah pe kenca titik. Tapi pe bage perlu ka nge si analisis kalimat lagu e, gelah ibas tarik nafas ibas pemenggalenna e lit ertina, la tanggung.
Frasering
Nada-nada entahpe melodi jadi kalimat lagu, piga-piga kalimat lagu e adi igabungken jadi sada bagian. Melodi entahpe entahpe kumpulen nada si membentuk sada baris entahpe kalimat ndai me sini ikataken frasering. Bagi kita ercakap-cakap, lit rusur kata-kata e lebih sitekanken antara kata-kata sidebanna. Intonasina pe berbeda tergantung kata-katana. Sibage rupana ka me sini imaksudken ibas kita ngendeken sada lagu.
Tim Pusat Musik Liturgi ngataken, maka nina pemenggalen suku kata labo irama melodi sini menentukenca, tapi si payo eme erti kata ndai. Ula kari sembarangen sipenggal suku kata e tapi labo lit ertina. emaka simehulina ibas pemenggalan kata e lit min ertina, bagepe ku selanjutna untuk kalimat berikutna, ndukung pe ku tarik nafas ndai.
Contoh lagu misalna KEE No. 190:1
O la kel lu pa ken / a ku ‘ / o – Ye sus Tu / han.
A min mbu e kal do/ sa ngku ‘/ma sap kri na / ban.
Ye sus/Ye sus ‘/sam pat a ku /lah.
Bas kam sa ja a ku / pu lah ‘/sam pat a ku / lah.
Suku kata sini cetak tebal (bold) ertina ibereken penekanen, tanda (‘) em pemenggalen kalimat. Pemenggalen kalimat e biasana pengambilan nafas baru. Purdy (1995) ngataken situhuna sipayona kel mengambil nafas arus ibas akhir kalimat lagu, labo i tengah. Bagepe ibas ngendekenca sipayo arus endeken tiap kalimat sebagai sada alur melodi, labo per not. Bagepe Jean Asworth Bartle ngataken bage, eme paduan suara labo iendeken (terpisahken) not per not, entahpe suku kata ku suku kata seterusna, tappi iendeken kalimat lagu secara utuh. Memang teks lagu ras not erat kaitenna. Alu bage maka teknikna gelah banci sesuai teks ras not emaka kaiten teks ras not ndai banci ibahan silabis entah pe melismatis (misalna legato). Alu bage sada alur ia.
Gaya
Gaya (style) eme karakteristik cara nggunaken melodi, ritem, warna suara, dinamik, harmoni, teksture bagepe bentuk. Kerina unsur-unsur si enda me si banci menghasilken sora si berbeda antara lagu. Sebagai contoh, kita banci mbedaken lagu keroncong, dangdut, rock, jazz, klasik ras sidebanna. Lit gaya masing-masing aliren-aliren si datas ndai. Eme gaya. Adi ibas sejarah musik gereja, musik Barat pe lit ciri-ciri rikut pe ras gaya masing-masing periode. Adi musik Barat periodena banci sibagi jadi: Abad pertengahan (450-1450), Jaman Renasisance (1450-1600), Jaman Barok (1600-1750), Jaman Klasik (1750-1820), Jaman Romantik (1820-1900), Abad 20 (1900-1945), tahun 1945 seh gundari. Jadi adi kita ngendeken lagu arus kita mampu menyesuaiken gaya siapai kin sini imaksudken lagu e, gelah cara ngendekenca sesuai ras gaya yang diinginkan penciptana.
Megati kel kita mbegiken paduan suara ibas gereja entahpe konser paduan suara, kata-kata sibelasken paduan suara e kurang jelasna kai sini belaskenna, entahpe huruf vokalna (vowel) saja ngenca banci sibedaken. E ertina artikulasi kata-katana la jelas pembelasken. Situhuna gelah banci lebih mehuli, peran pemimpin paduan suara ndai arus beluh uga mengelolasa kerina. Bagem ibas bagian sipe-2 ken enda, iumputi ka ku bagian sipe-3 ken, eme kerna “Kualifikasi Mbereken Aba-Aba”. Bojong Menteng, 7 September 2006.
Comments