Drama Rohani Karo
S I - C A K A P - K E N
Karya :
Karya :
Pt. Julianus P Limbeng
Sinopsis :
Drama enda nggambarken uga sada sidang si kaku ras la ngidah urgensi penyelesaian masalah erpalasken prirotas. Drama enda amin gia ikemas dalam bentuk humor, tapi kritiken-kritiken uga gerejanta ersidang guna mbahas sada-sada masalah sangat kental, janah enda merupaken pertentangen antara ideal ras aktual guna nehken kekelengen sapih-sapih manusia, terlebih sisada kiniteken ibas Tuhan. Drama enda sifatna fiksi saja, janah entah lit pernah terjadi, gelar si seri ras sidebanna, hanya bersifat kebetulen saja.Erkiteken formatna rapat, emaka drama enda sada babak saja ngenca.
Casting :
Pa Nderkem : Sekalak Pertua, sebagai Ketua Runggun ibas gereja. Jelmana tenang.
Pa Lepot : Sekalak Pertua, Sekretaris Runggun, lincah, tapi pengeranana bagi diberu.
Pdt. Bujur : PKPW Runggun, sekalak Diberu, tapi la kai pe ban Runggun jabatenna.
Pa Botoh : Seksi PWG. Nggit rusur nuriken masalah ras ngantuk-ngantuki.
Pa Bakut : Pertua. Terpilih erkiteken melala serpina. Agak sombong sitik.
Nd. Gantang : Diaken. Seksi Diakonia, sekalak janda, janah pengeranana pe medate.
Nd. Pirak : Diaken. Seksi Musik ras Budaya, bekas perkolong-kolong.
Nd. Kulu : Diaken. Sie Lembaga-lembaga (Moria KAKR, Permata)
Pa Mbetong : Pertua. Bendahara Runggun. Mbur, mbestang, ngerana telpus-telpus.
Pa Leto : Diaken, seksi pembangunen, lit usaha materialna.
Pa Golom : Pertua. Sie Permata. Ia sekalak pebisnis si sukses.
Pa Barti : Panitia Pembangunen Gereja.
Raynold : Ketua Permata Runggun
Nd. Belanja : Diaken. Belanja atena rusur.
* * * * * * * *
Scene 1
Pa Nderkem :
Iak, adi enggo me piga-piga kita si pulung, emeka sibenaken saja me rapatta enda. Pudin ndapetti.
Pa Leto :
Langa kap kita quorum Pertua ?
Pa Nderkem :
Timai kari quorumna tah la kari quorum-quorum ..
Sebab bulan si lewat pe labo kita quorum
Pa Leto :
Adi bage ula siban keputusen. Adi quorum kari e banci.
Pa Nderkem :
Adi bage, sibuka dage rapatta enda (nuktuk meja telu kali).
Jadi kerna notulen rapatta silewat gelah banci bacaken sekretaris, entah lit perbaiken-perbaiken gelah sisyahken. Persilaken Sekretaris !!
Pa Lepot :
Bujur. Jadi erkiteken notulen enggo she kerina man banta, emaka la pedah kubacaken, kecuali adi lit perbaiken siman pekenan saja.
Uga, lit si man pekenan ?
Pdt. Bujur
Kerna laporen pembangunen lakuidah lit bas notulen enda.
Pa Lepot :
Kerna pembangunen laporenna tersendiri Pandita.
Adi bage, notulen si lewat sisyahken. (nuktuk meja telu kali).
Emaka gundari bengket kita ku laporen seksi-seksi.
Seksi PWG lebe, persilaken.
Pa Botoh :
Bujur. Ijenda ilaporken kami, maka ibas sector jauh enterem gundari lanai ku gereja.
Pa Lepot :
Kai sebabna Pertua ?
Pa Botoh :
Gelarna pe sector jauh, ndauhsa ku gereja nina, adi naik angkuten empat kali nyambung-nyambung langa termasuk naik ojek ndarat komplek nari, langa denga ka kolekte, jadi adi perkiraken biaya ku gereja pp lebih kurang 40 ribu per takal.
Pa Nderkem
Jadi uga ban adi bage ?
Pa Botoh
Adi kuakap perlu situkur sada motor guna ngangkutsa, sebab adi la bage, gereja sideban setiap minggu reh ngangkut anggotata ku gereja sideban. Daripada la ku gereja, ku gereja sideban pe labo dalih nina. Sebab galang kel biayana ndahi Dibata saja pe, nina.
Pa Bakut
Interupsi ! Aku la setuju. Adi situkur kari motor, lanai bo kari ratur. Ise pe kari makesa nge.
Nd. Gantang
Aku setuju itukur adi lit nge kas ta. Sebab ma saying kel e adi latih nai akap seksi PI, kenca enggo bengket ku berita si meriah e, kalak peranisa.
Pa Bakut
Labo masalah rani Nande Gantang. Lang kin pe adi ateta tutus er-Dibata e, perlu biaya.
Gundari kai akapndu bas gereja enda la erbiaya, adi la erbiaya ise akapndu singgalari gaji panditata kerina ?
Nd. Pirak
Payo nge Pa Bakut, tapi la kap seri kerina buatenta. Si megegeh nampati si la megegeh.
Pa Botoh
Sebagai tambahen, tedeh kel ate kalak e pe nina man Pandita
Pdt. Bujur
Sentabi. Labo aku la kujah, tapi ganti-ganti rusur banna jadwal PJJ na
Pa Golom
Kuakap payo nge bagi sini kataken pandita ena.
Pa Lepot
Iakh, kuakap kerna sada enda, sicakapken ka pagi selanjutna. Perlu lebe ipikirken ras iendapken, gelah kita ula mbuat keputusen si la payo.
Pa Botoh
Adi bage kin ninta bagelah, tapi kita biasana adi mperidiken luar biasa, tapi pembinaan enda aku ngidah kurang denga kel.
(Tiba-tiba erdering handphone-na)
Hallo…, ue…, kam e Silih….? Kai ndai…. O…. Ue yah.. mis aku reh.
Pa Lepot
Kai Pertua ?
Pa Botoh
Jadi sentabi kel aku nake, aku terpaksa mulih erkiteken nabrak angkotta. Lang pe bidangku enggo me dung. Sentabi ya… (ndarat ia).
Pa Lepot
Yah, to dage yah…
Gundari she kita ku seksi seni budaya, uga laporenndu.
Nd. Pirak
Bujur. Kami arah seksi seni budaya labo lit kai pe laporken kami sendah. Tapi perlu sieteh maka tiap wari minggu rende denga nge kerina perpulungen e. bujur.
Pa Nderkem
Tapi sitik kuakap Nd. Pirak, pemain organta lit langa kuakap pas kel banna not lagu e.
Ate-atena saja. Adi ate-atena saja man kai bahanen notna ?
Nd. Pirak
Ise katandue Ketua ?
Pa Nderkem
Enggo me lit. Kuakap sieteh nge ise ningku e, ma bage ?
Nd. Pirak
O… Pa Kese katandu. Wajar nge, lakin sekolahna musik, ngurut nge nai dahinna, deh kam hampir seri nge. Mecek nge duana, sada adi empet pecek, andiih… mesui nina, sada nari salah pecek, tureteteeeet… nina. E bedana.
Pa Bakut
Kuakap kursus kam ningen. Adi oraganna pe ate-atena banci kin perende perpulungen e pe bagi perende perkolong-kolong ?
Nd. Pirak
Perkolong-kolong kai kin katandue Pa Bakut ? Aku perkolong-kolong ya..
Gelah tehndu, labo kerina kel beluh rende bagi perendeku e. Nendu ya… (rende ia)
(Emaka bengket ku rapat e Pa Mbetong, Bendahara Runggun)
Pa Lepot
E.. mari, ena kap go reh Bendaharata.
Pa Bakut
Adi bage aku ngerana ateku sitik.
Man kam bendahara kami, kuakap banci nge sambarindu snackta. Tiap rapat adi la risol bakwan, adi la bakwan risol. Payo, adi entabeh, enda lang, pecek ndarat minakna.
Danci kin akapndu sehat pertua diaken e adi e rusur banndu…
Pa Mbetong
Iiii…, langa pe aku kundul Pa Bakut.
Pa Lepot
Sentabi Pa bakut, seksi seni budaya ndai pe langa dung….
Pa Bakut
Labo dalih, banci nge kari dungina, sebab seksi seni budaya e labo penting kel, rende ngenca urusenna, lape lit seksina tiap minggu rende nge perpulungen e, ma bage ? Sipenting adi nggit pemain organta ndai kursus, pindo man aku serpina. E, Uga akapndu ?
Jadi, kam bendahara, uga kin maka melawen reh, ma idahndu nge, kerah kerina biber kami e la minem. Banci kin akapndu risol e saja bendut…?
Pa Mbetong
Kam kerah nindu, bulan si reh adi labo sipegalang kolektenta, risol pe lanai tertukur.
Pa Lepot
Ena kari saja kuakap si bahas.
Gundari she kita ku seksi Diakonia.
Nd. Gantang
Bujur. Ijenda ilaporken kami maka, erkiteken virus flu burung si mbaru denga e, maka lit anggotanta dua dilo Dibata. Emaka demam berdarah 12 kalak. Janah lit sada keluarga man berenken bantuan, erkiteken manukna mate kerina.
Pa Lepot
Ise anggotata mate ?
Nd. Gantang
Ooo kam la kepe tehndu. E mindo maaf aku bandu. Bp. Kurak ras Nd. Rukrak.
Pa Lepot
Andikoo ale…, berarti pas sanga aku ku Amerika sange matena.
Aturna si bage mis kin laporken kena man bangku. Iakh, terusken labo dalih.
Nd. Gantang
Emaka kas diakonia gundari defisit, janah utangta 2 peti mati lit denga bas Bp. Bojot.
Pa Nderkem
Tapi bas momota minggu si lewat lit kuidah persembahen pengataken bujur ibas Bapa Bojot nari. Dua kali kuidah bulan enda.
Pa Mbetong
Bage kin, melala kap kalak mate bulan enda. Emaka cukup larislah peti matina.
Pa Nderkem
Adi bage cuba sisungkun lebe bendahara, tah uga kin posisi keuangenta pe.
Pa Mbetong
Tading ka pe laporenku rumah, tapi kuhafal denga nge.
Jadi siperlu kuakap kulaporken maka posisi keuangenta gundari defisit sekitar pitu juta setengah. Sementara utangta pe lit denga pekena sound sistemta.
Pa lepot
Adi bage, uga dage siban.
Pa Mbetong
Adi ningku, bas Pa Bojot, jem lebe. Saja ngenca man anggota jemaatta adi banci min ula lebe sakit nindu. Bagepe entah lit si atena mate, timai lebe lit kas ta ningen. Lang deh kam…
Lanai ka bo kari bere bapa Bojot ah ngutang…, enam kuakap ia.
Pa Leto
Main-mainsa kuakap kita rapat enda pe.
Kita e ibas kata Dibata e. Ise kin atena sakit ras mate…?
Pa Mbetong
Maka sakit ia, kai kin ukurken kerina doni enda ?
Omong ngenca kita rusur, adi tuhu kin kita nerahken geluhta man Dibata,
ma labo kai pe kebiarenta ? Aku terus terang nge. Labo aku nggit adoon.
Pa Leto
Solusina lah si ban. Adi lit si sakit uga si ban ?
Pa Mbetong
Adi bagena rupana perlu cakapken lebe.
Pdt. Bujur
Sentabi Ketua, ngerana ateku sitik.
Kuakap kita labo perlu kel kakusa. Adi lit siman sampaten, sampatilah.
Labo kuakap perlu man timan rapat, adi enggo bas biber kesahna.
Pa Mbetong
Payo nge katandue Pandita, tapi senna e kap man ukurenken.
Lang pe adi kerina mis sampati, kuakap kas ta pedas nge keri.
Gundari saja kita enggo defisit…
Pdt. Bujur
Adi masalah dana kuakap masalah carana nge si ban uga ndatkenca.
Pa Mbetong
Payo, tapi perlu nge lit kriteriana ise si man sampaten.
Ula kari man sampaten ngenca ia, persembahen tahunenna, persepuluhen, ras pengataken bujurna pe labo pernah berekenna. Arus lit timbal balikna bas Dibata gia.
Nd. Kulu
Sentabi pimpinen rapat ! Aku lebe la sependapat ras Bendaharata.
Adi bage naringe kai bedana kita ras kalak si lanandai Dibata ?
La kin man kalak sibutuh nge situduhken kekelengenta ?
Pa Mbetong
Gelah enggo itehndu ya Nande Kulu, biaya untuk Pandita saja pe bulan enda galang. Biaya telponna galang, PAM-na galang. Emaka usulku man banta, periode si reh enda ula nai siterima pandita jenda adi anakna enterem.
Pa Nderkem
Kuakap kerna si ena sicakapken kari termbagesen,
gelah ratur kuakap ku topik sideban saja kita lebe, ena sicakapken ka pagi.
(Bengket ku ruang rapat Nd. Belanjareh terlambat, erkiteken kunjungen rumah sakit nari)
Nd. Belanja
Sentabi nake, aku terlambat erkiteken rumah sakit ndari ndai. Lit anggota si sakit, janah arus operasi sendah. Kuakap perlu ia sisampati masalah perbelitenna.
Pa Mbetong
E…, dehkam.. terlambat kin kita rusur. Edenga kel cakapken kami ena.
Nd. Kulu
Kam pe ndai terlambat nge Pa Mbetong…
Nd. Belanja
Enggo dage cakapken kena, adi bage enggo teng-teng sebab butuh kel ia.
Pa Mbetong
Eee. Dehkam… cakapken denga nge, keputusen langa lit, sebab la kita quorum
Pa Lepot
Adi bage bengket kita ku permata, laporenndu..
Raynold
Permata aman-aman saja Pa.., kuakap kami la pedah cakapkenndu. Cakapkenndu pe kari labo lit kesimpulenna erbahan megara pinggel ka nge ngenca. Em laporen kami, bujur.
Pa Golom
Jadi payo nge bagi sini kataken anakta e. Aku sebage seksi mendukung.
Pa Lepot
Bujur. Ma bage maka laporen anak singuda. La memberatken. Aturna bana.
Adi bage ku Seksi Pembangunen.
Pa Golom
Langa kap reh panitiana. Tapi biasana ia pasti reh. Macet nge…
Pa Bakut
Sitik kel Ketua kerna pembangunen. Aku dehkam, ula min sia-sia sen sikubereken e ateku, sebab kuidah la terencana mehuli pembangunenta. Semen arah jenda, kah-kahi arah jah.
Ma lalap nge la dung… Kami pe labo si bayak ndai kel.
(Pa Barti, Seksi Pembangunen bengket ku ruang rapat)
Nd. Gantang
Ena kap engo reh turangku ndai ena…
Pa Barti
Selamat malam, sentabi nake terlambat.
Pa Lepot
Labo dalih. Pas kel gundari gilirenndu. Emaka langsung saja laporenndu.
Pa Barti
Bujur. Jadi perlu kuakap ku laporken biaya pengeluarenta she paksa enda.
Pa Leto
Interupsi Ketua…! Sitik kel man kam panitia, adi kupergermetken laporenndu man kami seksi, kuakap biaya sini banndu la realistis, lit ije indikasina mark-up.
Pa Barti
E…, kam ula min bage Diaken. La lit sitik pe je aku cari untung ya…
Pa Leto
Lang nindu, aku permaterial banci kin la kueteh
Pa Barti
Uala kari erkiteken la bas kam buat materialna maka kam sentimen ya…
Pa Leto
Labo sentimen, tapi enggo ubanen bukku e, janah enggo puluhen tahun aku bidang bahan bangunen, danandu e mark-up e. Lang gia nindu…
Pa Barti
Jadi … uga atendu…yak..?
Pa Leto
Uga kin….?
Pa Barti
La gereja enda job-ku, melala job-ku darat. Kam ngena lalit borongenndu…
Pa Leto
La aku kurang page tutun Pa Barti… Sen jelma sienterem kap e…
Pa Barti
Uga dage ya… (tedis mutar tinju-tinjuna)
Pa Leto
Uga atem uga kin yah … (tedis ka janah njemak botol Fanta)
Pdt. Bujur
(tedis, janah ersurak..) Pa Barti…. Pa Leto…turangku… ula bage… ula bage..
Pa Bakut
Lang kin pe perlu nge sekali-sekali….
Pa Leto
Adi bage mundur aku jadi seksi pembangunen (tadingkenna ruangen)
Pa Golom
Pangen bage silih, to lah ndaratken…
Nd. Pirak
Bagenda saja kuakap Ketua. Gelah ula ruk-rak kel rapatta enda, rende saja kita lebe, sipuji Dibatanta rende kita ibas kitab ende-endenta No. 205 ayat sipemena (iendeken)
Raynold
Jam-ta Pertua…, enggo jam sepuluh berngi.
Nd. Belanja
Uga kin maka anak perana denga pe mis atena tunduh..
Raynold
Labo tunduh Mami, tempa laitehndu pe, Malam Minggu kap e…
Pa Leto
Yakh.., adi bage erkiteken jamta pe enggo menda mbages, janah enggo pe melala sicakapken ibas rapatta enda, tentuna sura-suranta kerina lako pehuliken, emaka erkiteken kita pe she dung labo enda quorum, emaka perlu denga akap kami pagi sicakapken ibas sidang runggunta si reh. Gelah ibas kita mbuat keputusen banci lebih mehuli.
Nd. Belanja
Kerna si sakit ndai Pertua ?
Pa Leto
Lit ndai situhuna enggo cakapken ope kam reh, gia la menjadi keputusen, perlu pe iakap kami isingetken mulihi gelah asa bancina ibas bulan-bulan enda ula lebe lit simate-mateta, janah adi banci jaga kesehtatenta, gelah ula kita sisakit-sakit, sebab kas ta defisit.
Pa Nderkem
Dage, senina ras turang. Endam dage rapat runggunta berngi si sendah. Kai siakap perlu denga sicakapken ibas sidangta si reh. Melala memang pertua diakenta si la reh, emaka seksina pe langa sicakapken. Melala si arus icakapken kita, tapi erkiteken kelangasupenta, erkiteken sura-suranta, bagepe kuasa iblis sierdahin si banci naluken hubungenta ras Dibata, emaka kerina banci jadi la mehuli. Emaka, nin kami sebagai BP runggun, enda jadi catataen ras pelajaren man banta, gelah rapat sireh banci reh ulina. Dage ibas gelar BP Runggun itutup kami me sidangta enda. Bujur. Dibata simasu-masu kita kerina. Sekali nari bujur. Malam.
(Kerina alu sisalamen, ras la erkata-kata, tempa rukur ndauh… sada-sada nadingken ingan rapat, sitading ije risol ras bakwan ampar-ampar bas piring babo meja…., melungun).
Karawaci, 26-27 Oktober 2005.
Sinopsis :
Drama enda nggambarken uga sada sidang si kaku ras la ngidah urgensi penyelesaian masalah erpalasken prirotas. Drama enda amin gia ikemas dalam bentuk humor, tapi kritiken-kritiken uga gerejanta ersidang guna mbahas sada-sada masalah sangat kental, janah enda merupaken pertentangen antara ideal ras aktual guna nehken kekelengen sapih-sapih manusia, terlebih sisada kiniteken ibas Tuhan. Drama enda sifatna fiksi saja, janah entah lit pernah terjadi, gelar si seri ras sidebanna, hanya bersifat kebetulen saja.Erkiteken formatna rapat, emaka drama enda sada babak saja ngenca.
Casting :
Pa Nderkem : Sekalak Pertua, sebagai Ketua Runggun ibas gereja. Jelmana tenang.
Pa Lepot : Sekalak Pertua, Sekretaris Runggun, lincah, tapi pengeranana bagi diberu.
Pdt. Bujur : PKPW Runggun, sekalak Diberu, tapi la kai pe ban Runggun jabatenna.
Pa Botoh : Seksi PWG. Nggit rusur nuriken masalah ras ngantuk-ngantuki.
Pa Bakut : Pertua. Terpilih erkiteken melala serpina. Agak sombong sitik.
Nd. Gantang : Diaken. Seksi Diakonia, sekalak janda, janah pengeranana pe medate.
Nd. Pirak : Diaken. Seksi Musik ras Budaya, bekas perkolong-kolong.
Nd. Kulu : Diaken. Sie Lembaga-lembaga (Moria KAKR, Permata)
Pa Mbetong : Pertua. Bendahara Runggun. Mbur, mbestang, ngerana telpus-telpus.
Pa Leto : Diaken, seksi pembangunen, lit usaha materialna.
Pa Golom : Pertua. Sie Permata. Ia sekalak pebisnis si sukses.
Pa Barti : Panitia Pembangunen Gereja.
Raynold : Ketua Permata Runggun
Nd. Belanja : Diaken. Belanja atena rusur.
* * * * * * * *
Scene 1
Pa Nderkem :
Iak, adi enggo me piga-piga kita si pulung, emeka sibenaken saja me rapatta enda. Pudin ndapetti.
Pa Leto :
Langa kap kita quorum Pertua ?
Pa Nderkem :
Timai kari quorumna tah la kari quorum-quorum ..
Sebab bulan si lewat pe labo kita quorum
Pa Leto :
Adi bage ula siban keputusen. Adi quorum kari e banci.
Pa Nderkem :
Adi bage, sibuka dage rapatta enda (nuktuk meja telu kali).
Jadi kerna notulen rapatta silewat gelah banci bacaken sekretaris, entah lit perbaiken-perbaiken gelah sisyahken. Persilaken Sekretaris !!
Pa Lepot :
Bujur. Jadi erkiteken notulen enggo she kerina man banta, emaka la pedah kubacaken, kecuali adi lit perbaiken siman pekenan saja.
Uga, lit si man pekenan ?
Pdt. Bujur
Kerna laporen pembangunen lakuidah lit bas notulen enda.
Pa Lepot :
Kerna pembangunen laporenna tersendiri Pandita.
Adi bage, notulen si lewat sisyahken. (nuktuk meja telu kali).
Emaka gundari bengket kita ku laporen seksi-seksi.
Seksi PWG lebe, persilaken.
Pa Botoh :
Bujur. Ijenda ilaporken kami, maka ibas sector jauh enterem gundari lanai ku gereja.
Pa Lepot :
Kai sebabna Pertua ?
Pa Botoh :
Gelarna pe sector jauh, ndauhsa ku gereja nina, adi naik angkuten empat kali nyambung-nyambung langa termasuk naik ojek ndarat komplek nari, langa denga ka kolekte, jadi adi perkiraken biaya ku gereja pp lebih kurang 40 ribu per takal.
Pa Nderkem
Jadi uga ban adi bage ?
Pa Botoh
Adi kuakap perlu situkur sada motor guna ngangkutsa, sebab adi la bage, gereja sideban setiap minggu reh ngangkut anggotata ku gereja sideban. Daripada la ku gereja, ku gereja sideban pe labo dalih nina. Sebab galang kel biayana ndahi Dibata saja pe, nina.
Pa Bakut
Interupsi ! Aku la setuju. Adi situkur kari motor, lanai bo kari ratur. Ise pe kari makesa nge.
Nd. Gantang
Aku setuju itukur adi lit nge kas ta. Sebab ma saying kel e adi latih nai akap seksi PI, kenca enggo bengket ku berita si meriah e, kalak peranisa.
Pa Bakut
Labo masalah rani Nande Gantang. Lang kin pe adi ateta tutus er-Dibata e, perlu biaya.
Gundari kai akapndu bas gereja enda la erbiaya, adi la erbiaya ise akapndu singgalari gaji panditata kerina ?
Nd. Pirak
Payo nge Pa Bakut, tapi la kap seri kerina buatenta. Si megegeh nampati si la megegeh.
Pa Botoh
Sebagai tambahen, tedeh kel ate kalak e pe nina man Pandita
Pdt. Bujur
Sentabi. Labo aku la kujah, tapi ganti-ganti rusur banna jadwal PJJ na
Pa Golom
Kuakap payo nge bagi sini kataken pandita ena.
Pa Lepot
Iakh, kuakap kerna sada enda, sicakapken ka pagi selanjutna. Perlu lebe ipikirken ras iendapken, gelah kita ula mbuat keputusen si la payo.
Pa Botoh
Adi bage kin ninta bagelah, tapi kita biasana adi mperidiken luar biasa, tapi pembinaan enda aku ngidah kurang denga kel.
(Tiba-tiba erdering handphone-na)
Hallo…, ue…, kam e Silih….? Kai ndai…. O…. Ue yah.. mis aku reh.
Pa Lepot
Kai Pertua ?
Pa Botoh
Jadi sentabi kel aku nake, aku terpaksa mulih erkiteken nabrak angkotta. Lang pe bidangku enggo me dung. Sentabi ya… (ndarat ia).
Pa Lepot
Yah, to dage yah…
Gundari she kita ku seksi seni budaya, uga laporenndu.
Nd. Pirak
Bujur. Kami arah seksi seni budaya labo lit kai pe laporken kami sendah. Tapi perlu sieteh maka tiap wari minggu rende denga nge kerina perpulungen e. bujur.
Pa Nderkem
Tapi sitik kuakap Nd. Pirak, pemain organta lit langa kuakap pas kel banna not lagu e.
Ate-atena saja. Adi ate-atena saja man kai bahanen notna ?
Nd. Pirak
Ise katandue Ketua ?
Pa Nderkem
Enggo me lit. Kuakap sieteh nge ise ningku e, ma bage ?
Nd. Pirak
O… Pa Kese katandu. Wajar nge, lakin sekolahna musik, ngurut nge nai dahinna, deh kam hampir seri nge. Mecek nge duana, sada adi empet pecek, andiih… mesui nina, sada nari salah pecek, tureteteeeet… nina. E bedana.
Pa Bakut
Kuakap kursus kam ningen. Adi oraganna pe ate-atena banci kin perende perpulungen e pe bagi perende perkolong-kolong ?
Nd. Pirak
Perkolong-kolong kai kin katandue Pa Bakut ? Aku perkolong-kolong ya..
Gelah tehndu, labo kerina kel beluh rende bagi perendeku e. Nendu ya… (rende ia)
(Emaka bengket ku rapat e Pa Mbetong, Bendahara Runggun)
Pa Lepot
E.. mari, ena kap go reh Bendaharata.
Pa Bakut
Adi bage aku ngerana ateku sitik.
Man kam bendahara kami, kuakap banci nge sambarindu snackta. Tiap rapat adi la risol bakwan, adi la bakwan risol. Payo, adi entabeh, enda lang, pecek ndarat minakna.
Danci kin akapndu sehat pertua diaken e adi e rusur banndu…
Pa Mbetong
Iiii…, langa pe aku kundul Pa Bakut.
Pa Lepot
Sentabi Pa bakut, seksi seni budaya ndai pe langa dung….
Pa Bakut
Labo dalih, banci nge kari dungina, sebab seksi seni budaya e labo penting kel, rende ngenca urusenna, lape lit seksina tiap minggu rende nge perpulungen e, ma bage ? Sipenting adi nggit pemain organta ndai kursus, pindo man aku serpina. E, Uga akapndu ?
Jadi, kam bendahara, uga kin maka melawen reh, ma idahndu nge, kerah kerina biber kami e la minem. Banci kin akapndu risol e saja bendut…?
Pa Mbetong
Kam kerah nindu, bulan si reh adi labo sipegalang kolektenta, risol pe lanai tertukur.
Pa Lepot
Ena kari saja kuakap si bahas.
Gundari she kita ku seksi Diakonia.
Nd. Gantang
Bujur. Ijenda ilaporken kami maka, erkiteken virus flu burung si mbaru denga e, maka lit anggotanta dua dilo Dibata. Emaka demam berdarah 12 kalak. Janah lit sada keluarga man berenken bantuan, erkiteken manukna mate kerina.
Pa Lepot
Ise anggotata mate ?
Nd. Gantang
Ooo kam la kepe tehndu. E mindo maaf aku bandu. Bp. Kurak ras Nd. Rukrak.
Pa Lepot
Andikoo ale…, berarti pas sanga aku ku Amerika sange matena.
Aturna si bage mis kin laporken kena man bangku. Iakh, terusken labo dalih.
Nd. Gantang
Emaka kas diakonia gundari defisit, janah utangta 2 peti mati lit denga bas Bp. Bojot.
Pa Nderkem
Tapi bas momota minggu si lewat lit kuidah persembahen pengataken bujur ibas Bapa Bojot nari. Dua kali kuidah bulan enda.
Pa Mbetong
Bage kin, melala kap kalak mate bulan enda. Emaka cukup larislah peti matina.
Pa Nderkem
Adi bage cuba sisungkun lebe bendahara, tah uga kin posisi keuangenta pe.
Pa Mbetong
Tading ka pe laporenku rumah, tapi kuhafal denga nge.
Jadi siperlu kuakap kulaporken maka posisi keuangenta gundari defisit sekitar pitu juta setengah. Sementara utangta pe lit denga pekena sound sistemta.
Pa lepot
Adi bage, uga dage siban.
Pa Mbetong
Adi ningku, bas Pa Bojot, jem lebe. Saja ngenca man anggota jemaatta adi banci min ula lebe sakit nindu. Bagepe entah lit si atena mate, timai lebe lit kas ta ningen. Lang deh kam…
Lanai ka bo kari bere bapa Bojot ah ngutang…, enam kuakap ia.
Pa Leto
Main-mainsa kuakap kita rapat enda pe.
Kita e ibas kata Dibata e. Ise kin atena sakit ras mate…?
Pa Mbetong
Maka sakit ia, kai kin ukurken kerina doni enda ?
Omong ngenca kita rusur, adi tuhu kin kita nerahken geluhta man Dibata,
ma labo kai pe kebiarenta ? Aku terus terang nge. Labo aku nggit adoon.
Pa Leto
Solusina lah si ban. Adi lit si sakit uga si ban ?
Pa Mbetong
Adi bagena rupana perlu cakapken lebe.
Pdt. Bujur
Sentabi Ketua, ngerana ateku sitik.
Kuakap kita labo perlu kel kakusa. Adi lit siman sampaten, sampatilah.
Labo kuakap perlu man timan rapat, adi enggo bas biber kesahna.
Pa Mbetong
Payo nge katandue Pandita, tapi senna e kap man ukurenken.
Lang pe adi kerina mis sampati, kuakap kas ta pedas nge keri.
Gundari saja kita enggo defisit…
Pdt. Bujur
Adi masalah dana kuakap masalah carana nge si ban uga ndatkenca.
Pa Mbetong
Payo, tapi perlu nge lit kriteriana ise si man sampaten.
Ula kari man sampaten ngenca ia, persembahen tahunenna, persepuluhen, ras pengataken bujurna pe labo pernah berekenna. Arus lit timbal balikna bas Dibata gia.
Nd. Kulu
Sentabi pimpinen rapat ! Aku lebe la sependapat ras Bendaharata.
Adi bage naringe kai bedana kita ras kalak si lanandai Dibata ?
La kin man kalak sibutuh nge situduhken kekelengenta ?
Pa Mbetong
Gelah enggo itehndu ya Nande Kulu, biaya untuk Pandita saja pe bulan enda galang. Biaya telponna galang, PAM-na galang. Emaka usulku man banta, periode si reh enda ula nai siterima pandita jenda adi anakna enterem.
Pa Nderkem
Kuakap kerna si ena sicakapken kari termbagesen,
gelah ratur kuakap ku topik sideban saja kita lebe, ena sicakapken ka pagi.
(Bengket ku ruang rapat Nd. Belanjareh terlambat, erkiteken kunjungen rumah sakit nari)
Nd. Belanja
Sentabi nake, aku terlambat erkiteken rumah sakit ndari ndai. Lit anggota si sakit, janah arus operasi sendah. Kuakap perlu ia sisampati masalah perbelitenna.
Pa Mbetong
E…, dehkam.. terlambat kin kita rusur. Edenga kel cakapken kami ena.
Nd. Kulu
Kam pe ndai terlambat nge Pa Mbetong…
Nd. Belanja
Enggo dage cakapken kena, adi bage enggo teng-teng sebab butuh kel ia.
Pa Mbetong
Eee. Dehkam… cakapken denga nge, keputusen langa lit, sebab la kita quorum
Pa Lepot
Adi bage bengket kita ku permata, laporenndu..
Raynold
Permata aman-aman saja Pa.., kuakap kami la pedah cakapkenndu. Cakapkenndu pe kari labo lit kesimpulenna erbahan megara pinggel ka nge ngenca. Em laporen kami, bujur.
Pa Golom
Jadi payo nge bagi sini kataken anakta e. Aku sebage seksi mendukung.
Pa Lepot
Bujur. Ma bage maka laporen anak singuda. La memberatken. Aturna bana.
Adi bage ku Seksi Pembangunen.
Pa Golom
Langa kap reh panitiana. Tapi biasana ia pasti reh. Macet nge…
Pa Bakut
Sitik kel Ketua kerna pembangunen. Aku dehkam, ula min sia-sia sen sikubereken e ateku, sebab kuidah la terencana mehuli pembangunenta. Semen arah jenda, kah-kahi arah jah.
Ma lalap nge la dung… Kami pe labo si bayak ndai kel.
(Pa Barti, Seksi Pembangunen bengket ku ruang rapat)
Nd. Gantang
Ena kap engo reh turangku ndai ena…
Pa Barti
Selamat malam, sentabi nake terlambat.
Pa Lepot
Labo dalih. Pas kel gundari gilirenndu. Emaka langsung saja laporenndu.
Pa Barti
Bujur. Jadi perlu kuakap ku laporken biaya pengeluarenta she paksa enda.
Pa Leto
Interupsi Ketua…! Sitik kel man kam panitia, adi kupergermetken laporenndu man kami seksi, kuakap biaya sini banndu la realistis, lit ije indikasina mark-up.
Pa Barti
E…, kam ula min bage Diaken. La lit sitik pe je aku cari untung ya…
Pa Leto
Lang nindu, aku permaterial banci kin la kueteh
Pa Barti
Uala kari erkiteken la bas kam buat materialna maka kam sentimen ya…
Pa Leto
Labo sentimen, tapi enggo ubanen bukku e, janah enggo puluhen tahun aku bidang bahan bangunen, danandu e mark-up e. Lang gia nindu…
Pa Barti
Jadi … uga atendu…yak..?
Pa Leto
Uga kin….?
Pa Barti
La gereja enda job-ku, melala job-ku darat. Kam ngena lalit borongenndu…
Pa Leto
La aku kurang page tutun Pa Barti… Sen jelma sienterem kap e…
Pa Barti
Uga dage ya… (tedis mutar tinju-tinjuna)
Pa Leto
Uga atem uga kin yah … (tedis ka janah njemak botol Fanta)
Pdt. Bujur
(tedis, janah ersurak..) Pa Barti…. Pa Leto…turangku… ula bage… ula bage..
Pa Bakut
Lang kin pe perlu nge sekali-sekali….
Pa Leto
Adi bage mundur aku jadi seksi pembangunen (tadingkenna ruangen)
Pa Golom
Pangen bage silih, to lah ndaratken…
Nd. Pirak
Bagenda saja kuakap Ketua. Gelah ula ruk-rak kel rapatta enda, rende saja kita lebe, sipuji Dibatanta rende kita ibas kitab ende-endenta No. 205 ayat sipemena (iendeken)
Raynold
Jam-ta Pertua…, enggo jam sepuluh berngi.
Nd. Belanja
Uga kin maka anak perana denga pe mis atena tunduh..
Raynold
Labo tunduh Mami, tempa laitehndu pe, Malam Minggu kap e…
Pa Leto
Yakh.., adi bage erkiteken jamta pe enggo menda mbages, janah enggo pe melala sicakapken ibas rapatta enda, tentuna sura-suranta kerina lako pehuliken, emaka erkiteken kita pe she dung labo enda quorum, emaka perlu denga akap kami pagi sicakapken ibas sidang runggunta si reh. Gelah ibas kita mbuat keputusen banci lebih mehuli.
Nd. Belanja
Kerna si sakit ndai Pertua ?
Pa Leto
Lit ndai situhuna enggo cakapken ope kam reh, gia la menjadi keputusen, perlu pe iakap kami isingetken mulihi gelah asa bancina ibas bulan-bulan enda ula lebe lit simate-mateta, janah adi banci jaga kesehtatenta, gelah ula kita sisakit-sakit, sebab kas ta defisit.
Pa Nderkem
Dage, senina ras turang. Endam dage rapat runggunta berngi si sendah. Kai siakap perlu denga sicakapken ibas sidangta si reh. Melala memang pertua diakenta si la reh, emaka seksina pe langa sicakapken. Melala si arus icakapken kita, tapi erkiteken kelangasupenta, erkiteken sura-suranta, bagepe kuasa iblis sierdahin si banci naluken hubungenta ras Dibata, emaka kerina banci jadi la mehuli. Emaka, nin kami sebagai BP runggun, enda jadi catataen ras pelajaren man banta, gelah rapat sireh banci reh ulina. Dage ibas gelar BP Runggun itutup kami me sidangta enda. Bujur. Dibata simasu-masu kita kerina. Sekali nari bujur. Malam.
(Kerina alu sisalamen, ras la erkata-kata, tempa rukur ndauh… sada-sada nadingken ingan rapat, sitading ije risol ras bakwan ampar-ampar bas piring babo meja…., melungun).
Karawaci, 26-27 Oktober 2005.
Comments
mejile kap isina drama ndu e
kapan-kapan akan kami coba
thanks Tuhan Memberkati