Zeigarnik, Seniman Karo
Julianus P Limbeng
Sangana minem kopi, sekalak psikolog Rusia sitergelar Bluma Zeigarnik (1900 – 1988) mperdateken pelayan café ibas inganna minem. Setiap menu sini ipindo pengunjung pasti inget pelayan e, janah ingetna ise simesansa, janah ija inganna kundul. Ngidah fenomena enda muncul ketertariken ibas Zeigarnik, emaka ibanna sada penelitian ras menghasilken sada kesimpulen, nina bahwa tugas si lenga dung lebih menukah ngingetsa asa tugas si enggo dung ilakoken. Fenomena enda gundari sieteh gelarna sebagai Efek Zeigarnik. Aminna gia enda terkait ras psikologi, tapi menarik bicara si bandingken ras kesenimanan Karo.
Pernah lit ibas sada kaset iendeken la kalak Karo lagu Bunga Rampe, ciptaan Alm. Reno Surbakti (1940 – 2004). Erkiteken ieteh kalak aku ermusik, emaka melala komentar si reh, baik memuji, janah lit ka si mandangi. Kurang pas kenca siakap endeken suku sideban lagu-lagu ‘berbahasa Karo’, misalna lagu Bunga Rampe ndai, siakap melecehken Karo, erkiteken lagu e berbahasa Karo. Janah erkiteken ngena ateta sadar entah la sadar lagu Bunga Rampe e siakap jadi laguna Kalak Karo. Reno Surbakti sebagai pencipta lagu ibas sisi sada e ianggap sebagai representasi kalak Karo, amin gia lagu ndai laguna secara pribadi, tapi enggo ianggap sebagai lagu Karo, erkiteken bahasa Karo. Padahal situhuna lagu e tetap lagu Reno Surbakti si kalak Karo, sierbahasa Karo, labo lagu Karo. Jelas sipemegang hak ciptana eme Reno Surbakti pribadi entahpe ahli warisna, labo kalak Karo si rulo. Lagu ndai enggo siakap lagu kalak Karo (lagu Karo), banci saja labo sieteh ise sierbahanca, entah pe ise penciptana. Padahal jelas lagu e lit sierbahanca. Artina lanai banci sibedaken hak cipta pribadi ras Karo sirulo (domain public) erkiteken merasa memiliki.
Tapi lit ka siidah piga-piga gelar pencipta lagu berbahasa Karo tapi la ermerga Karo, janah lagu-lagu e pe cukup popular. Katakenlah lagu O Turang (Cipt. Sayuti Lubis), Ertutur (Cipt. Jalakat Silalahi), Ngarap Gestung Api Bas Lau (Cipt. F. Lamindo Sihaloho), ras sidebanna. Seniman pencipta lagu enda labo enggo pernah sitandai ise ia, kecuali si lit kin hubungen pribadi ras ia, bagepe sangana produser perlu nggalari hak cipta laguna. Contoh si telu kalak enda tentuna amin gia secara adat budaya la ia kalak Karo erkiteken mergana la merga Karo (merga si lima), tapi pe karya-karyana cukup itandai kalak Karo, bahkan diluar kalak Karo sendiri.
Ibas SCTV Award piga-piga tahun si lewat, sijadi musik openingna eme lagu sini ibaba kami hasil kolaborasi Viky Sianipar, aku ras Korem Sihombing, lagu erbahasa Karo alu penggarapen musik kontemporer. “ O Io…io, mari dage pesikap kesenian bangsanta enda, nande bapa turang dingen senina….”, enda me syair sini kubabaken tupung si e, sini adaptasi ibas lagu io-io sipagar batu. Ope denga acara e ibuka resmi, ibas Jakarta Convention Centre, lagu e terus iputar-putar operator sound system CD-na erkiteken tertarik ia melodina. Tapi laietehna lagu e adaptasi ibas lagu kalak sangana ngadi-ngadi ijuma adi enggo latih erdahin. ‘Lagu lading juga bias dibikin keren..’ nina sekalak sir en si ngangkasa. Apresiasi cukup bagus, la ibas kalak Karo nari.
Khusus ibas bidang seni, adi mejile kenca ibahan sekalak kalak Karo entahpe lit kaitenna ras Karo, secara emosional biasana ikut ateta malem adi lit ia nyerempet-nyerempet Karona, tapi adi kurang siakap payona banci siban jawabta sekalak-sekalak. Tapi bas simejile e, cibar ja enggo siinget senimanta. Melala gelar-gelar seniman Karo si enggo erbahan mbue man kesenian Karo, ibas seni musik ras tari misalna mungkin lanai asing man banta Djaga Depari, Tipan br Sembiring, Bengkel Pinem, Malem Pagi Ginting, Sinek br Karo, Normin br Ginting, Ulina br Ginting, Hendri Bangun, Jusup Sitepu, Reno Surbakti, Tingtang Sinuraya, Mbaga Ginting, Seter Ginting, Stasion Tarigan ras sidebanna. Bagepe seniman-seniman musik pembaharu semisal Jasa Tarigan, ras sidebanna. Bagepe ibas bidang-bidang seni rupa, lit sitandai piga-piga gelar, misalna Tetap Ginting, Usaha Tarigan (TariganU, termasuk pe ia sekalak penyair), Rasinta Tarigan, Sayang Bangun, ras sentabi la kuinget sidebanna. Bagepe patut ka nge siergai kai sini ibahan kalak diluar Karo si enggo ngangkat kesenian Karo ibas berbagai bentuk. Kai nina Zeigranik memang lit kel perpayona. Lebih ngidah nge kita kubas wari-wari si langa terjadi entah pe wari si langa reh. Kai sini ibahan si enggo dung megati kel lanai siinget.
Kai sini igagas Yayasan Bengkel Seni’78, erbahan sada acara Malam Anugerah Seni ras Mburo Ate Tedeh sini irencanaken ibas wari minggu tanggal 8 Juli i Jakarta, sada hal si patut idukung, erkiteken acara enda rehna ibas masyarakat Karo si peduli man kesenian. Seharusna acara sibagenda rupana ilakoken isamping petandaken kesenian daerahta, terlebih-lebih pe banci kita mengapresiasi ras menghargai kai si enggo ibahan seniman-senimanta. Tapi uga ka keterlibaten seniman-seniman Karo sendiri ibas acara e? Uga ka bentuk dukungenna? Banci saja enggo lit simperdiatekenca kesenimanenna, tapi ia la peduli kalak simendukung kesenimanenna e sendiri. Adi jumata ipesai kalak, arusna min ula ka ongkang-ongkang kaki ngopi janah ngisap-ngisap i sapo, encage perani pagena kita ateta sekalak. La ndauh pengukuri, eme habis main bayar, setelah itu terserah. Bergurulah kepada seniman-seniman pendahulu apa yang baik, dan tinggalkan apa yang buruk, sehingga kalak Karo la menegatifken kesenimanen Karo. Seniman Karo harus mampu sebagai perubah. Adi labo seniman sendiri si mengubah dirina, pedas entahpe lambat, tading me arah lebe. Tapi adi seniman Karo erbahan karya mejile simantadingenken man rayat si rulo, mbera-mbera kai sini kataken Zeigarnik la terjadi. Ndekah pengeinget kalak man seniman Karo erkiteken mbelin gunana karyana e man Karo Sirulo. Seniman Karo la menghasilken kesenian ‘tissue’, habis dipakai dibuang. Sukses Seniman Karo.
Sangana minem kopi, sekalak psikolog Rusia sitergelar Bluma Zeigarnik (1900 – 1988) mperdateken pelayan café ibas inganna minem. Setiap menu sini ipindo pengunjung pasti inget pelayan e, janah ingetna ise simesansa, janah ija inganna kundul. Ngidah fenomena enda muncul ketertariken ibas Zeigarnik, emaka ibanna sada penelitian ras menghasilken sada kesimpulen, nina bahwa tugas si lenga dung lebih menukah ngingetsa asa tugas si enggo dung ilakoken. Fenomena enda gundari sieteh gelarna sebagai Efek Zeigarnik. Aminna gia enda terkait ras psikologi, tapi menarik bicara si bandingken ras kesenimanan Karo.
Pernah lit ibas sada kaset iendeken la kalak Karo lagu Bunga Rampe, ciptaan Alm. Reno Surbakti (1940 – 2004). Erkiteken ieteh kalak aku ermusik, emaka melala komentar si reh, baik memuji, janah lit ka si mandangi. Kurang pas kenca siakap endeken suku sideban lagu-lagu ‘berbahasa Karo’, misalna lagu Bunga Rampe ndai, siakap melecehken Karo, erkiteken lagu e berbahasa Karo. Janah erkiteken ngena ateta sadar entah la sadar lagu Bunga Rampe e siakap jadi laguna Kalak Karo. Reno Surbakti sebagai pencipta lagu ibas sisi sada e ianggap sebagai representasi kalak Karo, amin gia lagu ndai laguna secara pribadi, tapi enggo ianggap sebagai lagu Karo, erkiteken bahasa Karo. Padahal situhuna lagu e tetap lagu Reno Surbakti si kalak Karo, sierbahasa Karo, labo lagu Karo. Jelas sipemegang hak ciptana eme Reno Surbakti pribadi entahpe ahli warisna, labo kalak Karo si rulo. Lagu ndai enggo siakap lagu kalak Karo (lagu Karo), banci saja labo sieteh ise sierbahanca, entah pe ise penciptana. Padahal jelas lagu e lit sierbahanca. Artina lanai banci sibedaken hak cipta pribadi ras Karo sirulo (domain public) erkiteken merasa memiliki.
Tapi lit ka siidah piga-piga gelar pencipta lagu berbahasa Karo tapi la ermerga Karo, janah lagu-lagu e pe cukup popular. Katakenlah lagu O Turang (Cipt. Sayuti Lubis), Ertutur (Cipt. Jalakat Silalahi), Ngarap Gestung Api Bas Lau (Cipt. F. Lamindo Sihaloho), ras sidebanna. Seniman pencipta lagu enda labo enggo pernah sitandai ise ia, kecuali si lit kin hubungen pribadi ras ia, bagepe sangana produser perlu nggalari hak cipta laguna. Contoh si telu kalak enda tentuna amin gia secara adat budaya la ia kalak Karo erkiteken mergana la merga Karo (merga si lima), tapi pe karya-karyana cukup itandai kalak Karo, bahkan diluar kalak Karo sendiri.
Ibas SCTV Award piga-piga tahun si lewat, sijadi musik openingna eme lagu sini ibaba kami hasil kolaborasi Viky Sianipar, aku ras Korem Sihombing, lagu erbahasa Karo alu penggarapen musik kontemporer. “ O Io…io, mari dage pesikap kesenian bangsanta enda, nande bapa turang dingen senina….”, enda me syair sini kubabaken tupung si e, sini adaptasi ibas lagu io-io sipagar batu. Ope denga acara e ibuka resmi, ibas Jakarta Convention Centre, lagu e terus iputar-putar operator sound system CD-na erkiteken tertarik ia melodina. Tapi laietehna lagu e adaptasi ibas lagu kalak sangana ngadi-ngadi ijuma adi enggo latih erdahin. ‘Lagu lading juga bias dibikin keren..’ nina sekalak sir en si ngangkasa. Apresiasi cukup bagus, la ibas kalak Karo nari.
Khusus ibas bidang seni, adi mejile kenca ibahan sekalak kalak Karo entahpe lit kaitenna ras Karo, secara emosional biasana ikut ateta malem adi lit ia nyerempet-nyerempet Karona, tapi adi kurang siakap payona banci siban jawabta sekalak-sekalak. Tapi bas simejile e, cibar ja enggo siinget senimanta. Melala gelar-gelar seniman Karo si enggo erbahan mbue man kesenian Karo, ibas seni musik ras tari misalna mungkin lanai asing man banta Djaga Depari, Tipan br Sembiring, Bengkel Pinem, Malem Pagi Ginting, Sinek br Karo, Normin br Ginting, Ulina br Ginting, Hendri Bangun, Jusup Sitepu, Reno Surbakti, Tingtang Sinuraya, Mbaga Ginting, Seter Ginting, Stasion Tarigan ras sidebanna. Bagepe seniman-seniman musik pembaharu semisal Jasa Tarigan, ras sidebanna. Bagepe ibas bidang-bidang seni rupa, lit sitandai piga-piga gelar, misalna Tetap Ginting, Usaha Tarigan (TariganU, termasuk pe ia sekalak penyair), Rasinta Tarigan, Sayang Bangun, ras sentabi la kuinget sidebanna. Bagepe patut ka nge siergai kai sini ibahan kalak diluar Karo si enggo ngangkat kesenian Karo ibas berbagai bentuk. Kai nina Zeigranik memang lit kel perpayona. Lebih ngidah nge kita kubas wari-wari si langa terjadi entah pe wari si langa reh. Kai sini ibahan si enggo dung megati kel lanai siinget.
Kai sini igagas Yayasan Bengkel Seni’78, erbahan sada acara Malam Anugerah Seni ras Mburo Ate Tedeh sini irencanaken ibas wari minggu tanggal 8 Juli i Jakarta, sada hal si patut idukung, erkiteken acara enda rehna ibas masyarakat Karo si peduli man kesenian. Seharusna acara sibagenda rupana ilakoken isamping petandaken kesenian daerahta, terlebih-lebih pe banci kita mengapresiasi ras menghargai kai si enggo ibahan seniman-senimanta. Tapi uga ka keterlibaten seniman-seniman Karo sendiri ibas acara e? Uga ka bentuk dukungenna? Banci saja enggo lit simperdiatekenca kesenimanenna, tapi ia la peduli kalak simendukung kesenimanenna e sendiri. Adi jumata ipesai kalak, arusna min ula ka ongkang-ongkang kaki ngopi janah ngisap-ngisap i sapo, encage perani pagena kita ateta sekalak. La ndauh pengukuri, eme habis main bayar, setelah itu terserah. Bergurulah kepada seniman-seniman pendahulu apa yang baik, dan tinggalkan apa yang buruk, sehingga kalak Karo la menegatifken kesenimanen Karo. Seniman Karo harus mampu sebagai perubah. Adi labo seniman sendiri si mengubah dirina, pedas entahpe lambat, tading me arah lebe. Tapi adi seniman Karo erbahan karya mejile simantadingenken man rayat si rulo, mbera-mbera kai sini kataken Zeigarnik la terjadi. Ndekah pengeinget kalak man seniman Karo erkiteken mbelin gunana karyana e man Karo Sirulo. Seniman Karo la menghasilken kesenian ‘tissue’, habis dipakai dibuang. Sukses Seniman Karo.
Comments